बीडमध्ये गोळीबार…

ZunjarNeta Live! वर प्रेस करून ज्वाईन करा वॉट्सअप्प ग्रुप

30 May :- माजलगाव तालुक्यातील तालखेड येथे ग्रामस्थांना मारहाण करून गोळीबार केल्याची घटना घडल्याने खळबळ उडाली आहे. गोळीबारात एक जण जखमी झाल्याची माहिती आहे. यानंतर ग्रामस्थांनी गोळीबार करणाऱ्या व्यक्तीला चांगलाच चोप दिला.

माजलगाव तालुक्यातील तालखेड येथे काही युवक रस्त्यावर येऊन थांबले असताना जीपमधून आलेल्या संतोष गायकवाड व इतर तीन ते चार जणांनी त्यांना मारहाण करण्यास सुरुवात केली. जीपमधील एका व्यक्तीने या युवकांवर गोळीबार केला. यामध्ये साहेबराव जाधव हे जखमी झाले.

यानंतर हे लोक जीपमधून पसार झाले. घटनेची माहिती मिळताच ग्रामस्थांनी ही जीप अडवून जीपमधील लोकांना बेदम चोप दिला. याप्रकरणी माजलगाव ग्रामीण पोलिसात तक्रार दाखल झाली आहे. या घटनेने तालुक्यात खळबळ उडाली आहे. गोळीबार करणारे लोक हे गावातीलच असल्याची प्राथमिक माहिती आहे.