भारताचा लाजिरवाणा पराभव
ZunjarNeta Live! वर प्रेस करून ज्वाईन करा वॉट्सअप्प ग्रुप
इंग्लंड क्रिकेट संघाने लीड्समधील लॉर्ड्सवरील पराभवाचा बदला घेतला आहे. हेडिंग्ले लीड्स येथे खेळल्या गेलेल्या तिसऱ्या कसोटीत इंग्लंडने टीम इंडियाचा दारुण पराभव केला. नाणेफेक जिंकल्यानंतर फलंदाजीचा निर्णय घेत टीम इंडियाला पहिल्या डावात केवळ 78 धावा करता आल्या. यानंतर इंग्लंडने त्यांच्या फलंदाजांच्या उत्कृष्ट कामगिरी जोरावर पहिल्या डावात 432 धावा केल्यावर 354 धावांची मोठी आघाडी घेतली.
प्रत्युत्तरादाखल तिसऱ्या दिवशी झुंज देणाऱ्या टीम इंडियाने चौथ्या दिवशी शस्त्रे म्यान केली. संपूर्ण संघ अवघ्या 278 धावांवर बाद झाला. यासह इंग्लंडने पाच सामन्यांच्या मालिकेत 1-1 अशी बरोबरी साधली.अशा प्रकारे इंग्लंडने तिसरी कसोटी एक डाव आणि 76 धावांनी जिंकली. इंग्लंडच्या या विजयाचा नायक वेगवान गोलंदाज ऑली रॉबिन्सन होता. त्याने पहिल्या डावात दोन आणि दुसऱ्या डावात पाच बळी घेतले.
याशिवाय क्रेग ओव्हरटनने दुसऱ्या डावात तीन विकेट्स घेतल्या.पहिल्या डावात फक्त दोन विकेट घेणारा वेगवान गोलंदाज ओली रॉबिन्सनने दुसऱ्या डावात पाच विकेट्स घेतल्या. त्याने रोहित शर्मा, चेतेश्वर पुजारा, विराट कोहली आणि ऋषभ पंत सारख्या मोठ्या फलंदाजांची विकेट घेतली. चौथ्या दिवशी भारतीय फलंदाजांनी रॉबिन्सनच्या गोलंदाजीसमोर गुडघे टेकले. रॉबिन्सनने सहा षटकांसह 26 षटकांत 65 धावा देऊन पाच बळी घेतले. तिसऱ्या दिवशी भारतीय फलंदाजांनी चमकदार कामगिरी केली.
तिसऱ्या दिवसाचा खेळ संपेपर्यंत भारताने दोन गड्यांज्या बदल्यात 215 धावा केल्या होत्या. चेतेश्वर पुजारा 91 धावांवर आणि कर्णधार विराट कोहली 45 धावांवर नाबाद परतला. पण चौथ्या दिवशी इंग्लंडच्या गोलंदाजांनी नव्या चेंडूने कहर केला. इंग्लिश गोलंदाजांनी नियमित अंतराने विकेट घेतल्या. चौथ्या दिवशी भारतीय संघाने अवघ्या 63 धावांमध्ये आपले आठ गडी गमावले. ऑली रॉबिन्सन व्यतिरिक्त वेगवान गोलंदाज क्रेग ओव्हरटननेही अप्रतिम गोलंदाजी केली. त्याने 47 धावा देऊन तीन बळी घेतले. पहिल्या डावातही ओव्हरटनच्या नावावर तीन बळी आहे
