चेक पोस्टवर आडव्या लावलेल्या ट्रॉलीस धडक
किन्हीजवळील चेक पोस्टवर आडव्या लावलेल्या ट्रॉलीस धडक
कपिल काकडे हा युवक गंभीर जखमी
आष्टी (प्रतिनिधी) आष्टी तालुक्यातील पाटणसांगवी येथे कोरोनाचे रुग्ण सापडल्यामुळे परिसरात बफर झोन लागू करण्यात आला. यासाठी किन्ही या ठिकाणी पोलिस चेक नाका उभारण्यात आला. या नाक्यावर पोलिसांनी रस्त्याला ट्रॅक्टर ट्रॉली आडवी उभा केली होती काल सायंकाळी साडेआठच्या सुमारास या ट्रॉलीला किन्ही गावातील कपील बबन काकडे
(वय ३०) या युवकाची जोरदार धडक बसल्याने त्याच्या मानेच्या मणक्याला गंभीर इजा पोहोचल्याने त्याला तातडीने तेथून आष्टी येथील ग्रामीण रुग्णालय व ग्रामीण रुग्णालयातून अहमदनगरला हलविण्यात आले. विशेष बाब म्हणजे या पोलिस चेक नाक्यावर अपघातावेळी पोलिस किंवा होमगार्ड उपस्थित नव्हते. जर पोलिस कर्मचारी आणि होमगार्ड या ठिकाणी उपस्थित नसेल तर हा चेक नाका कशासाठी ? असा प्रश्न उपस्थित होतो.
आष्टी येथील ग्रामीण रुग्णालयातील डॉक्टर राहुल टेकडे यांच्याशी संपर्क साधला असता या मुलाला मोठ्या प्रमाणात इजा झाली आहे.त्याची परिस्थिती गंभीर असल्याचे डाॕ.टेकाडे यांनी सांगितले.
