‘आरटी-पीसीआर चाचणी नवा करोना पकडण्यासाठी सक्षम?’
नवी दिल्ली : ब्रिटनमध्ये सापडलेला करोना विषाणूचा नवा प्रकार पकडण्यासाठी भारतातमध्ये सध्या वापरली जाणारी आरटी-पीसीआर चाचणी प्रक्रिया सक्षम आहे का? अशी विचारणा फूड अँड ड्रग्ज असोसिएशनकडून ‘भारतीय वैद्यकीय संशोधन परिषदे’कडे (ICMR) केलीय.
‘फूड अँड ड्रग्ज असोसिएशन’कडून ‘आयसीएमआर’ला एक पत्र लिहून यासंबंधी विचारणा करण्यात आलीय. सोबतच एफडीआयनं चाचणी प्रक्रिया अपग्रेड करण्याचीही मागणी केलीय.
करोनाचा ‘नवा स्ट्रेन’ अर्थात नवा प्रकार उघडकीस आणण्यासाठी कदाचित आरटी-पीसीआर प्रक्रिया सक्षम असेलच असं नाही, असं तज्ज्ञांचं म्हणणं आहे. त्यामुळे, ब्रिटनहून भारतात दाखल झालेल्या व्यक्तींची वेळोवेळी चाचणी करण्याची मागणी केली जातेय.
केंद्रीय आरोग्य मंत्रालयानं जाहीर केल्याप्रमाणे गेल्या १५ दिवसांत ब्रिटनहून भारतात आलेल्या सगळ्याच प्रवाशांची आरटी-पीसीआर चाचणी करण्यात येणार आहे. परंतु, प्रश्न हा आहे की, ही करोना चाचणी प्रक्रिया करोनाचा नवीन प्रकार शोधून काढण्यात सक्षम आहे का?
‘ऑल फूड अँड ड्रॅग लाइसेन्सी होल्डर फाउंडेशन’ (AFDLHF) तसंच ‘पॅन इंडिया असोसिएशन’नं ICMR कडे चाचणी प्रक्रियेत योग्य ते बदल करण्याची मागणी केलीय.
अनेकदा टेस्टिंग किट बनवणाऱ्या कंपन्यांवर प्रश्नचिन्ह उभे केले जातात. अशावेळी व्हायरसऐवजी अगोदर त्या टेस्टिंग किटची चाचणी आवश्यक ठरते. यामुळे, चाचणी कितपत फायदेशीर ठरते याबाबत संशय असतो. त्यामुळे आयसीएमआरला पत्र लिहण्यात आल्याचं AFDLHF चे अध्यक्ष अभय पांडे यांनी म्हटलंय.
व्हायरसच्या नव्या स्ट्रेनला तज्ज्ञांनी VUI-202112/01 असं नाव दिलंय. तज्ज्ञांकडून याबद्दल अधिक अभ्यास सुरू आहे. विषाणूच्या जिनोममध्ये बदल झाल्यास तयार करण्यात येणारी लशीचाही परिणाम होऊ शकणार नाही, अशी भीती तज्ज्ञांमध्ये आहे. आत्तापर्यंत करोना व्हायरसच्या समोर आलेल्या रुपांच्या जिनोमच्या संरचनेत कोणताही बदल दिसून आला नाही.
केंद्र सरकारच्या ‘वैज्ञानिक आणि औद्योगिक संशोधन परिषदे’चे (The Council of Scientific and Industrial Research) महासंचालक डॉ. शेखर मांडे यांच्या म्हणण्यानुसार, आरटी-पीसीआरच्या परिणामांतही थोडेफार दिसून येऊ शकतात.
