कियारा झळकणार क्रिश 4 मध्ये

क्रिश 4 ची झाली घोषणा

प्रीती झिंटा, प्रियांका चोप्रा आणि कंगना राणावत या अभिनेत्री नंतर क्रिश चित्रपटांच्या सिक्वेलमध्ये हृतिक बरोबर कियारा आडवाणीची वर्णी लागली आहे. क्रिश 4 चित्रपटामध्ये कियारा मुख्य भूमिका साकारणार आहे.लहानांपासून ते थोरांपर्यंत पसंतीस पात्र ठरलेला आणि प्रचंड प्रमाणात गाजलेला क्रिश चित्रपट आणि त्याचे सर्व सिक्वेल प्रत्येकवेळी बॉक्स ऑफिसवर भरगच्च कमाई करून गेला. क्रिश चा मोठ्या प्रमाणात चाहता वर्ग निर्माण झाला आहे. क्रिशच्या चाहत्यांसाठी आनंदाची बातमी म्हणजे क्रिश 3 नंतर क्रिश 4 चीही घोषणा झाली. त्यामुळे हृतिकला पुन्हा क्रिशच्या रुपात पाहायला मिळणार असल्याने त्याचे चाहते उत्सुक झाले आहेत.

‘दै.झुंजारनेता’ वर क्लिक करा आणि मिळवा ‘वॉटसअँपवर’ लाईव्ह अपडेटस

क्रिश 4 मध्ये हृतिक रोषनसोबत नक्की कोणती अभिनेत्री झळकणार याच्या चर्चा सुरू झाल्या होत्या कियारा अडवाणी आणि कृती सेनॉनचं नाव यामध्ये अधिक चर्चेत होतं. अखेर राकेश रोषन यांनीच क्रिश 4च्या अभिनेत्रीची घोषणा केली आहे. कियारा अडवाणी या चित्रपटामध्ये मुख्य भूमिका साकारणार आहे.सुरुवातीला कृती सेनॉनचंच नाव फायलन करण्यात आलं होतं. पण तिच्या हातामध्ये सध्या अनेक चित्रपट आहेत त्यामुळे तिला क्रिश 4 च्या शूटिंगसाठी तारखा देणं शक्य झालं नाही. त्यामुळे दुसऱ्या अभिनेत्रीचा विचार सुरू झाला. आता या भूमिकेसाठी कियारा अडवणीचं नाव निश्चित करण्यात आलं. कियारा अडवणी आणि हृतिक रोषन यांची जोडी ऑनस्क्रीन एकदम फ्रेश दिसेल असा निर्मात्यांचा अंदाज आहे.

कियाराचा कबीर सिंह हा सिनेमा सुपरहिट ठरला होता. त्यानंतर लक्ष्मी चित्रपटातही तिने काम केलं होतं. काही दिवसांनी ती इंदू की जवानी या चित्रपटामध्ये झळकणार आहे. कियारा सध्या भूलभूलय्या 2च्या शूटिंगमध्ये व्यस्त आहे. या सिनेमामध्ये ती कार्तिक आर्यनसोबत झळकणार आहे. अक्षय कुमारचा मुळ सिनेमा अतिशय गाजला होता. आता भूलभुलय्या 2 प्रेक्षकांच्या मनावर जादू करतो का ते पाहणं औत्सुक्याचं ठरणार आहे. कियारा क्रिश 4 चित्रपटामध्ये स्वतःला कसे सिद्ध करते याची उत्सुकता सर्वांना लागली आहे.