दिग्दर्शकासह अनिल कपूर, वरुण धवन, नीतू सिंह कोरोनाच्या घेऱ्यात!

‘जुग जुग जियो’च्या शुटिंगदरम्यान झाली कोरोनाची लागण

3 Dece :- आगामी चित्रपट ‘जुग जुग जियो’च्या Jug Jug Jiyo शुटिंग दरम्यान बॉलिवूड अभिनेता अनिल कपूर, वरुण धवन, अभिनेत्री नीतू सिंह Anil Kapoor, Varun Dhvan, Nitu Kapoor आणि दिग्दर्शक राज मेहता यांना कोरोनाची Coronavirus लागण झाल्याची माहिती मिळत आहे. असं सांगण्यात येत आहे की, स्टार कास्टला कोरोनाची लागण झाल्यामुळे चित्रपटाचं चित्रिकरण थांबवण्यात आलं आहे.

‘दै.झुंजारनेता’ वर क्लिक करा आणि मिळवा ‘वॉटसअँपवर’ लाईव्ह अपडेटस

या चित्रपटाची निर्मिती धर्मा प्रोडक्शन करत आहे. मीडिया रिपोर्ट्सनुसार, वरुण धवन, नीतू सिंह आणि अनिल कपूर यांच्यासोबत दिग्दर्शक राज मेहता यांचा कोरोना रिपोर्ट पॉझिटिव्ह आला आहे. ज्यानंतर निर्मात्यांनी शुटींग थांबवण्याचा निर्णय घेतला आहे. जोपर्यंत चारही सेलिब्रिटी पूर्णपणे ठिक होत नाहीत, तोपर्यंत ‘जुग जुग जियो’ या चित्रपटाची शुटींग पुन्हा सुरु करण्यात येणार नाही.

‘जुग जुग जियो’ या चित्रपटात अनिल कपूर, नीतू कपूर, वरुण धवन यांच्यासोबत कियारा अडवाणी आणि प्राजक्ता कोळी हे कलाकारही आहेत. विरल भयानीनं आपल्या इन्स्टाग्राम अकाऊंटवर याची माहिती दिली आहे. माहितीनुसार अनिल कपूर, नीतू कपूर, वरुण धवन, कियारा आडवाणी आणि प्राजक्ता कोली यांनी नुकतीच दिग्दर्शक राज मेहताची फिल्म जुग जुग जियोचं शूटिंग सुरू केलं होतं. ‘जुग जुग जियो’ च्या कास्टचे प्रमुख कलाकार कोरोना संक्रमित झाले आहेत. मीडिया रिपोर्टनुसार अभिनेत्री कियारा आडवाणी आणि दिग्दर्शक राज मेहतादेखील कोरोना पॉझिटिव्ह आहेत. दरम्यान याबाबत कुणीही अधिकृत माहिती दिलेली नाही.