करण-अर्जुन पुन्हा एकत्र…!
मनोरंजन स्पेशल!
संपूर्ण हिंदी चिञपट सृष्टीवर अधिराज्य गाजवणाऱ्या खान मंडळींचा चाहता वर्ग प्रचंड प्रमाणात आहे. हे विधान वेगळ्या पद्धतीने मांडण्याची गरज नाही. अमीर खान, सलमान खान, शाहरुख खान, सैफ आली खान यांच्या केवळ नावावर सिनेमागृह हाऊसफुल होतात हे आजपर्यंत आपण सर्वजण पाहत आलो आहोत.
‘दै.झुंजारनेता’ वर क्लिक करा आणि मिळवा ‘वॉटसअँपवर’ लाईव्ह अपडेटस
नव्वदच्या दशकामधील अनेक चित्रपटांनी इतिहास रचलेला आहे. आजही नव्वदच्या दशकातील हिंदी चित्रपट टीव्हीवर सुरु असल्यास सिनेरसिक आवडीने ही चित्रपट पाहतात. दिल, दिलवाले, दिलवाले दुल्हनिया ले जायेंगे, हम आपके है कौन, राजा हिन्दुस्तानी अशी अनेक चित्रपट सिनेरसिकांची आजही फेव्हरेट चित्रपट आहेत. नव्वदच्या काळामध्ये सलमान खान शाहरुख खानचा करण अर्जुन चित्रपट देखील प्रचंड प्रमाणात गाजला होता. पुनर्जन्माची कथा असलेला हा चित्रपट सिनेरसिकांनी डोक्यावर घेतला होता.
या चित्रपटातून सलमान- शाहरुखची जोडी प्रचंड प्रमाणात फेमस झाली होती. नंतर ही जोडी अनेक चित्रपटांमध्येही दिसून आली. जसे की कुछ कुछ होता है, हम तुम्हारे है सनम, हर दिल जो प्यार करेगा अशा अनेक चित्रपटांमध्ये या ही जोडी दिसत आली. मोठ्या पडद्यावर सलमान शाहरुख पुन्हा कधी कमबॅक करणार याची प्रतीक्षा त्याच्या चाहत्यांना आहे. करण-अर्जून जोडीच्या चाहत्यांसाठी आनंदाची बातमी आहे.
करण-अर्जूनची ही जोडी पुन्हा एकदा एकत्र दिसणार आहे. अशी माहिती समोर येते आहे की शाहरुख खान आणि भाईजान सलमान खान बरोबर मोठ्या पडद्या एकत्र दिसणार आहेत. अशी चर्चा आहे की, शाहरुखचा अपकमिंग सिनेमा ‘पठान’ मध्ये सलमानचा कॅमिओ असणार आहे. दीर्घकाळापासून शाहरुख कोणता सिनेमा त्याच्या प्रेक्षकांसाठी घेऊन आला नाही आहे.
मुंबई मिररच्या एका अहवालानुसार शाहरुख सलमान एकत्र दिसणार आहेत.अहवालानुसार यशराज फिल्म्स स्टूडिओमध्ये सिद्धार्थ आनंदच्या ‘पठान’चं शूटिंग होणार आहे.’पठान’ हा सिनेमा सिद्धार्थचा आधीचा चित्रपट ‘वॉर’ प्रमाणेच एक स्टायलिश रिव्हेंज ड्रामा असणार आहे. त्यात यामध्ये आता सलमान असणार अशा चर्चा देखील होत असल्याने चाहत्यांना पठाण या चित्रपटाची विशेष उत्सुकता लागली आहे.
