पुण्यामध्ये अल्पवयीन मुलीवर सामूहिक बलात्कार

अपहरण करून सतत दोन दिवस सामूहिक बलात्कार झाला

30 Oct :- महिलांवर होणाऱ्या अत्याचाराचे वाढते प्रमाण समाजामध्ये संतापाचे वातावरण निर्माण करत. गेल्या काही दिवसांपासून सतत बलात्कार झाल्याच्या घटना समोर येऊ लागल्या आहेत. यामुळे महिलांच्या सुरक्षितेबाबत प्रश्न उभा राहिला आहे. हडपसर पोलीस स्टेशनच्या हद्दीतून एक धक्कादायक प्रकार उघडकीस आलाय. एका 15 वर्षीय अल्पवयीन मुलीचे अपहरण करून तिच्यावर सतत दोन दिवस सामूहिक बलात्कार करण्यात आला आहे.

‘दै.झुंजारनेता’ वर क्लिक करा आणि मिळवा ‘वॉटसअँपवर’ लाईव्ह अपडेटस

हडपसर पोलीस स्टेशनमध्ये याप्रकरणी पोस्को, अपहरण आणि बलात्काराचा गुन्हा दाखल करण्यात आला असून दोघांना अटकही करण्यात आली आहे. हडपसर पोलिसांनी दिलेल्या माहितीनुसार, 26 ऑक्टोबरला पीडित मुलीचा आईसोबत वाद झाला होता आणि त्यामुळे रागाच्या भरात ती घर सोडून बाहेर पडली होती. यावेळी तिला ओळखत असलेल्या एका तरुणाने तुला गावी सोडतो असे म्हणून रिक्षातून आपल्याबरोबर नेले आणि एका इमारतीच्या फ्लॅटवर नेऊन तिच्यावर बलात्कार केला. त्यानंतर ही मुलगी तिथून आपली सुटका करत गाडीतळ याठिकाणी आली.

वाचा :- शिक्षणमंत्र्यांनी दिली नवी माहिती; दिवाळीनंतर ‘शाळा’ सुरू होणार!

या ठिकाणी आलेल्या आणखी एका व्यक्तीने तिला स्वतःच्या दुचाकीवर बसवून भेकराईनगर येथील एका इमारतीच्या गच्चीवर नेले आणि तिच्यावर पुन्हा एकदा बलात्कार केला. त्या व्यक्तीने दुसऱ्या दिवशी तिला बोपदेव या गावात नेले आणि तिच्यावर आणखी एकदा अत्याचार केला. आरोपी इतक्यावरच थांबला नाही तर त्याने त्याच्या आणखी दोन नातेवाईकांना बोलावून घेतले आणि त्यांनीही तिच्यावर बलात्कार केला. अशाप्रकारे दोन दिवसात या अल्पवयीन मुलीवर चार जणांनी वेळोवेळी बलात्कार केला.

वाचा :- व्हेंटिलेटरवर अर्धवट शुद्धीत असनाऱ्या तरुणीवर बलात्कार

सुदैवाने ही मुलगी या नराधमांच्या तावडीतून सुटली आणि एका नागरिकाच्या मदतीने तिने हडपसर पोलीस स्टेशन गाठत आपल्या सोबत घडलेला सर्व प्रकार सांगितला. त्यानंतर पोलिसांनी तातडीने गुन्हा दाखल करत आरोपीचा शोध सुरू केला आणि यातील दोन आरोपींना अटकही केली आहे. पीडित मुलगी ही मराठवाड्यातील एका छोट्याशा गावातून पोटाची खळगी भरण्यासाठी आई-वडिलांसह पुण्यामध्ये आली होती. पीडित मुलीचे आई-वडील दोघेही मोलमजुरी करून उदरनिर्वाह करतात.

वाचा:-  प्रतीक्षा संपली! पूनावालांनी केला लसीबाबद मोठा खुलासा

वाचा :- 200 रुपयांच्या बनावट नोटा छापणाऱ्या बापलेकाचा पर्दाफाश

वाचा :-  माझ्यावर बलात्कार झाला असता- अमिषा पटेल