…अन नृत्यांगनेनं संपवली जीवनयात्रा!
कोरोनामुळे कलाकारांचं जगणे बनले कठीण
7 Oct :- कोरोना विषाणूच्या वाढत्या पसरावामुळे आर्थिक व्यवस्थेचं कंबरडं मोडले आहे. अनेकांना मोठ्या आर्थिक आडचनींना तोंड देणे अश्यक्य होत आहे. कोरोना विषाणूच्या भीतीपोटी मुक्तसंचार करता येत नसल्याने नागरिकांच्या हाताला काम भेटत नसल्याने दिवसेंदिवस जीवन जगणे अशक्य होऊ लागले आहे. नैराश्येतून आत्महत्या केलेल्या कलाकारांच्या बातम्या सतत कानावर येत असताना पुण्यातून अशीच एक धक्कादायक बातमी आली आहे.
दै.झुंजारनेता लाईव्ह अपडेटसाठी लिंकवर प्रेस करा!
महाराष्ट्राची लोकधारा, गर्जा महाराष्ट्र, महाराष्ट्राची गौरव गाथा अशा वेगवेगळ्या कार्यक्रमांमधून लावणी सादर करणारी.चित्रपट दुनियेत काम कारण्याचे स्वप्न पाहणारी विशाखा काळे कोरोना काळात हातात कुठलंच काम नसल्याचे घरची परिस्थिती हलाखीची बनली होती. कोविड काळात आर्थिक परिस्थिती ढासळल्यामुळे आलेल्या नैराश्यातून विशाखा काळे या लोककलावंत आणि नृत्यांगनेनं अवघ्या 21 व्या वर्षीच आयुष्य संपवलं. मंगळवारी दुपारी विशाखाने राहत्या घरीच आत्महत्या केली.
वाचा – शनिवारी महाराष्ट्र राहणार ‘कडकडीत बंद’
विशाखा काळे ही प्रसिद्ध नृत्यांगना प्रियांका काळेची बहीण.विशाखाला चित्रपटांमध्ये करिअर करायची इच्छा होती. पण तिचा काही महिन्यांपूर्वी अपघात झाला. त्यात तिच्या चेहऱ्याला जखम झाली आणि बरेच दिवस घरी बसावं लागलं. त्यानंतर corona कहर सुरू झाला आणि कार्यक्रमच ठप्प झाले. त्यामुळे घरची परिस्थिती बिघडली. पुण्यात हडपसर परिसरात काळे कुटुंब राहतं. मंगळवारी राहत्या घरात गळफास घेऊन विशाखाने आत्महत्या केली.
वाचा – काळजी घेण्याची गरज; ‘WHO’ ने दिला ‘धक्कादायक’ इशारा!
विशाखाचे वडील अंध आहेत. आई एका शाळेत नोकरी करायची पण आता घर विशाखावरच अवलंबून होतं. वेगवेगळे स्टेज शो आणि लोककलांच्या कार्यक्रमात सहभागी होऊन विशाखा चरितार्थ चालवत होती. पण Coronavirus मुळे सगळी परिस्थिती पालटली. गेल्या 6 महिन्यात एकही कार्यक्रम होऊ शकलेला नाही.
वाचा – ‘इतक्या’ रुपयांना मिळणार भारतामध्ये ‘कोरोना लस’
हाती असलेला पैसा संपत चालला आणि यामुळे कंटाळून विशाखाने टोकाचं पाऊल उचललं. अनेक लोककलावंतांची हीच हालत असल्याचं कलाकारांचं म्हणणं आहे. Coronavirus मुळे अनेकांच्या हातचं काम गेलेलं आहे. कलेवर जगणाऱ्या सामान्य कलाकारांचं आयुष्य भीषण झालं असल्याचं यातून दिसतं.
