सेनेला मोठा धक्का! शिवबंधन तोडून शिवसैनिकांचा मनसेत प्रवेश

1 Sept :- मनसेप्रमुख राज ठाकरे यांनी कार्यकर्त्यांच्या गाठीभेटी घेण्यास सुरुवात केली आहे. याचदरम्यान आज राज ठाकरेंच्या उपस्थितीत औरंगाबादेतील शिवसेनेच्या पदाधिकाऱ्यांनी मनसेत प्रवेश केला आहे. औरंगाबाद महापालिकेच्या निवडणुकीच्या पार्श्वभूमीवर मनसेला शिवसेनेने धक्का दिल्याचे बोलले जात आहे. त्याचप्रमाणे औरंगाबादेतील पतित पावन संघटनेच्या कार्यकर्त्यांनी देखील आज राज ठाकरेंच्या उपस्थितीत प्रवेश केला असल्याचे मनसेने सांगितले.

दै.झुंजारनेता लाईव्ह अपडेटसाठी लिंकवर प्रेस करा!

शिवसेनेचे माजी खासदार चंद्रकांत खैरे यांचे निकटवर्तीय समजले जाणारे सिडको हडको भागात प्राबल्य असणारे राजू खरे, भाजपाचे माजी नगरसेवक नामदेव बेंद्रे,शिवसेना माजी उपशहर प्रमुख व पतित पावन संघटनेचे अध्यक्ष पै.प्रविण कडपें, जिल्हा संघटक अंकुश क्षीरसागर, कार्याध्यक्ष राजू परळीकर व शिवसेनेचे प्रशांत जोशी,रमेश मोदाणी, अरविंद जाधव यांच्यासह अनेकांनी राज ठाकरेंच्या उपस्थितीत प्रवेश केला आहे, अशी माहिती औरंगबादचे जिल्हाध्यक्ष सुहास दशरथे यांनी दिली.

हे वाचा :- कोरोना लस टोचवताच म्हातारा झाला तरुन!

दरम्यान, देशासह राज्यात कोरोनाचा प्रादुर्भाव दिवसेंदिवस वाढत आहे. कोरोना रुग्णांची वाढती संख्या पाहता गेल्या तीन महिन्यांआधीच राज्यातील महापालिकेच्या निवडणूका पुढे ढकलण्याचा निर्णय घेण्यात आला आहे. मात्र कोरनाचा प्रादुर्भाव कमी होताच महापालिकेच्या निवडणूका घेतल्या जाईल, अशी शक्यता वर्तविण्यात येत आहे.

हे वाचा :- UNLOCK 4 ची नियमावली झाली जाहीर!