राज्यात वाढला कोरोनाचा कहर;आज सर्वाधिक रुग्णांची नोंद

२६ जून :- राज्यातील कोरोनाबाधित रुग्णांच्या संख्येचा आलेख दिवसेंदिवस वाढत आहे. वाढत्या कोरोग्रस्तांच्या संख्येमुळे प्रशासनाच्या नाकी नऊ आले असून वाढत्या कोरोनाच्या कहराला आटोक्यात आणणे दिवसेंदिवस कठीण होत आहे. राज्यात आज एका दिवसातील सर्वाधिक कोरोनाबाधित रुग्णांची नोंद झाली आहे. आज 5 हजार 24 कोरोनाबाधित रुग्णांची नोंद झाली आहे. राज्यातील कोरोनाबाधितांची संख्या दीड लाखांच्या पार गेली आहे. राज्यातील एकूण कोरोनाबाधितांची संख्या आता 1 लाख 52 हजार 765 वर पोहोचली आहे. यापैकी 79 हजार 815 रुग्ण कोरोनामुक्त झाले आहेत, तर 65 हजार 829 रुग्णांवर उपचार सुरु आहेत.