कालपासून कोरोना सुट्टीवर;मात्र संकट कायम

बीड २४ जून – सलग तीन ते चार दिवस कोरोनाने बीड मध्ये कहर केला होता.पण कालपासून बीड जिल्ह्यामध्ये एकही कोरोनाबाधित रुग्ण आढळला नसल्याने बीड जिल्हावासीयांना दिलासा मिळाला आहे.आज सकाळी पाठवण्यात आलेल्या ६५ नमुन्यांपैकी ६५ नमुन्यांचा अहवाल निगेटिव्ह आला आहे.काल आणि आज जरी कोरोनाबाधित रुग्ण बीड मध्ये सापडला नसला तरी याचा अर्थ असा नाही की बीड जिल्ह्यामधून कोरोनाने कायमची सुट्टी घेतली.आजही बीड मध्ये सर्वत्र गर्दी दिसते आहे.तोंडाला मास्क न लावता लोक सर्वत्र भटकंती करत आहेत.नागरिक सोशल डिस्टन्स पाळत नसल्याचे चित्र दिसू लागले आहे.बीड जिल्ह्यामध्ये बेशिस्तपणाचे चित्र असेच कायम राहिले तर येणाऱ्या काळात बीड जिल्ह्याला मोठ्या संकटाचा सामना करावा लागणार हे मात्र नक्की.
काळजी घ्या…गर्दी टाळा…मास्क वापर…प्रशासनाच्या सूचनेचे पालन करा!