गलवान सीमा रक्तपातात प्राण गमावलेले हेच ते २० हुतात्मे

नवी दिल्ली : सोमवारी मध्यरात्री भारत आणि चीनी सैनिकांदरम्यान झालेल्या हिंसक हाणामारीत भारताचे २० जवान हुतात्मा झाले. चीनलाही बरचसं नुकसान सोसावं लागलं असलं तरी अद्याप चीनकडून आपल्या मृत किंवा जखमी सैनिकांची कोणताही माहिती जाहीर करण्यात आलेली नाही. दरम्यान, भारतातील ३ हुतात्म्यांची माहिती समोर आल्यानंतर आता इतर जवानांचीही नावं जाहीर करण्यात आलेली आहेत. यातील १२ हुतात्मे हे ‘१६ बिहार रिजेमेंट’शी निगडीत होते. एक जण ‘१२ बिहार रेजिमेंट’शी तर तीन जण ‘३ पंबाज रेजिमेंट’शी निगडीत आहेत. तर उरलेले चार जवान हे आर्टिलरीशी निगडीत होते.

२० हुतात्म्यांची नावं पुढीलप्रमाणे

१. कर्नल बी. संतोष बाबू – हैदराबाद
२. नायब सुभेदार नुदुराम सोरेन – मयूरभंज
३. नायब सुभेदार मनदीप सिंह – पटियाला
४. नायब सुभेदार (वाहन चालक) सतनाम सिंह – गुरदासपूर
५. हवालदार के पलानी – मदुराई
६. हवालदार सुनील कुमार – पाटणा
७. हवालदार बिपुल रॉय – मेरठ शहर
८. नायक दीपक कुमार – रेवा
९. शिपाई राजेस ओरांग – बिरभूम
१०. शिपाई कुंदन कुमार ओझा – साहिबगंज
११. शिपाई गणेश राम – कांकेर
१२. शिपाई चंद्रकांत प्रधान – कंधमाल, ओडिशा
१३. शिपाई अंकुश – हमीरपूर
१४. शिपाई गुरबिंदर – सांग्रुर
१५. शिपाई गुरतेज सिंह – मानसा
१६. शिपाई चंदन कुमार – भोजपूर
१७. शिपाई कुंदन कुमार – सहरसा
१८. शिपाई अमन कुमार – समस्तीपूर
१९. शिपाई जय किशोर सिंह – वैशाली
२०. शिपाई गणेश हंसडा – पूर्व सिंहभूम, झारखंड

या हल्ल्यात १६ बिहार रेजिमेंटचे कमांडिंग ऑफिसर कर्नल संतोष बाबू, तामिळनाडूच्या रामानाथपुरम जिल्ह्याचे रहिवासी जवान के पलानी तसंच झारखंडच्या साहिबगंज जिल्ह्यातील डिहारी गावाचे कुंदन ओझा यांनाही हौतात्म्य आल्याचं अगोदर समोर आलं होतं. आता इतर १७ हुतात्म्यांची नावं समोर आलीत. उंचावरच्या गलवान हाणामारीत गंभीररित्या जखमी झालेल्या १७ जवानांना उपचारासाठी खाली आणण्यात आलं. परंतु, उंचावरच्या ठिकाणच्या तपमानामुळे जखमींचा मृत्यू झाला. त्यामुळे या घटनेत एकूण २० भारतीय सैनिक हुतात्मा झाल्याचं भारतीय लष्कराकडून मंगळवारी रात्री अधिकृतरित्या जाहीर करण्यात आलं होतं.