पाथर्डी- एका कैद्याला कोरोना?

पाथर्डी:(प्रतिनिधी)पाथर्डी पोलीस ठाण्यात बैल चोरी प्रकरणात अटक असलेल्या एका कैद्याला कोरोना सदृश्य लक्षणे आढळून आल्याने संबंधित कैद्याला तात्काळ तपासणी करण्यासाठी अहमदनगर येथील जिल्हा रुग्णालयात हलवण्यात आल्याची माहिती तालुका आरोग्य अधिकारी डॉ.भगवान दराडे यांनी दिली.दरम्यान,संबंधित कैद्याला हलवण्यात येताच जेलमधील इतर कैद्यांमध्ये मोठी खळबळ उडाली आहे.
पाथर्डी पोलीस ठाण्यातील जेलमध्ये असलेल्या एका २६ वर्षीय कैद्याला आज (१४) रोजी ताप,सर्दी,खोकला याचा त्रास होऊ लागल्याने खबरदारी म्हणून पोलिसांनी तात्काळ आरोग्य विभागाला याची माहिती दिली.त्यांनतर आरोग्य विभागाच्या एका पथकाने या कैद्याची पाहणी केली.या व्यक्तीमध्ये कोरोनाची प्राथमिक लक्षणे आढळून आल्याने त्याच्या घशातील स्वब घेण्यासाठी त्याला अहमदनगरच्या जिल्हा शासकीय रुग्णालयात पाठवण्यात आले आहे.

हा आरोपी तालुक्यातील तोंडोळी येथील एका तांड्यावरील असून बैल चोरी प्रकरणी पाथर्डी पोलीस ठाण्यात दाखल असलेल्या एका गुन्ह्यात त्याला दि १३ जून रोजी अटक करण्यात आली होती.त्याने पुण्याचा प्रवास केल्याची माहिती आहे.त्याने ही माहिती पोलिसांपासून लपून ठेवली होती.त्यामुळे त्याची तपासणी करण्यात येत असल्याची माहिती पोलिसांनी दिली.
काळजी घ्या…गर्दी टाळा…स्वस्थ रहा…प्रशासनाच्या सूचनेचे पालन करा!
दै.झुंजारनेता लाईव्ह,बीड