शहाजी बापूंनी उडवली खिल्ली! म्हणाले, 1 वर्षाने खैरेला भेटायला हिमालयात जावे लागेल…
ZunjarNeta Live! वर प्रेस करून ज्वाईन करा वॉट्सअप्प ग्रुप
2 Oct :- एका वर्षाने चंद्रकांत खैरेला भेटायला हिमालयात जावे लागेल. असे म्हणत शिंदे गटाचे आमदार शहाजी बापू पाटलांनी शिवसेना चंद्रकांत खैरेंची खिल्ली उडवली आहे. शिंदे गटातील पन्नासच्या पन्नास आमदार निवडणूकीत पडतील, असे वक्तव्य शिवसेना नेते चंद्रकांत खैरे यांनी काल केले होते. तसेच जर हे सर्व आमदार पडले नाही तर मी हिमालयात जाईन, असेही त्यांनी म्हटले होते. याचवेळी बीकेसी मैदानात होणाऱ्या दसरा मेळाव्यासाठी शिंदे गटाकडून 52 कोटी रुपये खर्च करण्यात येत आहेत, असा दावाही चंद्रकांत खैरेंनी केला होता.
चंद्रकांत खैरेंच्या हिमालयात जाईन या विधानावर मोठ्या प्रमाणात टीका होताना दिसून येत आहे. पाणीपुरवठा मंत्री गुलाबराव पाटलांनंतर आता सांगोल्याचे ‘काय झाडी, डोंगर’ फेम आमदार शहाजीबापू पाटलांनीही त्याच ठसक्यात खैरेंना सुनावले आहे. ते म्हणाले, कसे रिझर्व्हेशन करायचे हे काही मला अजून कळलेले नाही. दिल्लीत कुठेतरी जाऊन गुहा बुक करावी लागेल. यावेळी पत्रकारांना उद्देशून ते म्हणाले, 1 वर्षानंतर तुम्हाला चंद्रकांत खैरेंना भेटायला हिमालयात जावे लागेल.
शहाजी बापू पाटील पुढे बोलताना म्हणाले, अरविंद सावंत, विनायक राऊत, संजय राऊत यांच्या सारख्यांनी शिवसेनेचे वाटोळे केले. बाप चोरला हे वाक्य उद्धव ठाकरेंच्या तोंडी शोभते का? डॉ. बाबासाहेबांचे विचार घेऊन काम करणाऱ्या अनेक संघटना आहेत. त्याचप्रमाणे शिंदेंनी बाळासाहेबांचे विचार घेऊन नवा गट स्थापन केला तर त्यात काय चुक? वेगाने झालेल्या सत्तांतराने संपूर्ण जगाला धक्का बसला. याचमुळे सावंत, राऊंतासारखी लोक हादरली आहेत. एखादी चांगली शाळा असेल तर या सगळ्यांना पहिलीत घालावे लागेल.
