जाणून घ्या गणपती स्थापनेचा शुभ मुहूर्त आणि इतर खास गोष्टी

ZunjarNeta Live! वर प्रेस करून ज्वाईन करा वॉट्सअप्प ग्रुप

30 Aug :- चातुर्मासानंतर सण उत्सवाची खरी सुरवात होते. श्रावणात जसे महादेवाच्या पूजनाला महत्व आहे तसेच, भाद्रपद मध्ये गणरायाच्या पूजनाला फार महत्व आहे. संपूर्ण भारतात गणेश उत्सव मोठ्या थाटामाटात साजरा केला जातो. पुढच्या महिन्यात गणपती सर्वांच्या घरोघरी, मंडळात विराजमान होतील. बाप्पाच्या स्वागताच्या तयारीला कोणतीच कमतरता भासायला नको म्हणून आपण आतापासून तयारीला लागू शकतो.

यंदा भाद्रपद गणेश चतुर्थी उत्सव ३१ ऑगस्टपासून सुरू होणार आहे. या दिवशी लोक आपल्या घरात गणपतीची स्थापना करतात. तुम्हीही गणपती बाप्पाला या चतुर्थीला घरात आणण्याचा विचार करत असाल तर जाणून घ्या बाप्पाच्या स्थापनेचा शुभ मुहूर्त…

भाद्र शुक्ल चतुर्थी तिथी प्रारंभ : मंगळवार ३० ऑगस्ट दुपारी ३ वाजून ३४ मिनिटे
भाद्र शुक्ल चतुर्थी तिथी समाप्ती : बुधवार ३१ ऑगस्ट दुपारी ३ वाजून २३ मिनिटे
बुधवार ३१ ऑगस्ट गणपती स्थापना करण्यासाठी शुभ मुहूर्त चौघडिया –
सकाळी ०६ वाजून २५ मिनिटे ते ०७ वाजून ५९ मिनिटापर्यंत
सकाळी ०७ वाजून ५९ मिनिटे ते ०९ वाजून ३३ मिनिटापर्यंत
सकाळी ११ वाजून ०७ मिनिटे ते १२ वाजून ४१ मिनिटे

पहिले दोघं शुभ मुहूर्त चौघडिया गणपती स्थापनेसाठी उत्तम आहे. जर या मुहूर्तावर स्थापना होऊ शकली नाही तर शुभ चौघडिया ११ वाजून ०७ मिनिटे ते १२ वाजून ४१ मिनिटे या मुहूर्तावर हे शुभ काम तुम्ही संपन्न करू शकतात. परंतू यात १२ वाजेपासून ते ०१ वाजून ३० मिनिटे या काळात

गणेश चतुर्थीला गणपतीची मूर्ती घरात स्थापन करताना काही गोष्टी या आवश्यक मानल्या गेल्या आहेत. गणपतीच्या मूर्ती ही मूषकाविना नसावी. मूषक गणपतीचे वाहन असल्यामुळे त्याचा समावेश हा असायलाच हवा. यानंतर गणपतीच्या हातामध्ये शस्त्रे असावीत. तसेच गणपतीचा एक हात आशीर्वाद देतानाच्या स्थितीत आणि दुसरा मोदक स्वीकारण्याच्या स्थितीत असावा, असे सांगितले जाते.

श्रीगणेशाचा आनंदाने आणि विधिवत घरात प्रवेश करावा. गणेशाच्या आगमनापूर्वी घर आणि दरवाजा सजवावे आणि ते जिथे गणपतीची स्थापना करायची असेल ती जागा स्वच्छ करून पूजेसाठी तयार करावी. गणपती आणण्यासाठी जाण्यापूर्वी नवीन वस्त्र धारण करावे, डोक्यावर टोपी किंवा साफा घालावा. पितळ किंवा चांदीचं ताम्हण सोबत न्यावं. लाकडी पाट देखील सोबत घेऊन जाऊ शकता. त्यावर गणेशाची मूर्ती विराजित करुन घरात प्रवेश करावं. सोबत घंटा किंवा इतर वाद्य यंत्र घेऊन जावे. बाजारात गणपती घेताना मोलभाव करु नये. त्यांना आमंत्रित करुन दक्षिणा द्यावी. नंतर गणपतीची मूर्ती वाजत-गाजत आणावी आणि घरात प्रवेश करण्यापूर्वी दारावर आरती ओवाळावी. मंगल गीत तसंच मंत्रांचे उच्चारण करावे.

गणपतीची मूर्ती स्थापित करण्यापूर्वी ईशान कोपरा स्वच्छ करुन कुंकुाने स्वस्तिक तयार करावे आणि हळदीने चार ठिपके काढावे. नंतर अक्षता ठेवून त्यावर चौरंग किंवा पाट ठेवावे. त्यावर लाल, पिवळा, किंवा केशरी रंगाचं आसान घालावं. त्याला चारी बाजूने फुलं आणि आंब्याच्या पानांनी सजवावं आणि पाटासमोर रांगोळी काढावी. तांब्याच्या कळशात पाणी भरुन त्यावर नारळ ठेवावं. जवळपास सुवासिक उदबत्ती, आरतीची थाळ, आरती पुस्तक, प्रसाद सर्व वस्तूं ठेवून घ्यावं. आता कुटुंबातील सदस्यांनी एकत्र येऊन ॐ गंगणपते नम: चा उच्चारण करत मूर्तीला पाटावर विराजित करावं. आता विधीपूर्वक पूजा करुन आरती करावी आणि प्रसाद वितरित करावा.