‘भाभी जी घर पर है’ या मालिकेच्या अभिनेत्याचे निधन
ZunjarNeta Live! वर प्रेस करून ज्वाईन करा वॉट्सअप्प ग्रुप
23 July :- टीव्ही अभिनेता दीपेश भान याचे निधन झाले आहे. शुक्रवारी क्रिकेट खेळताना दीपेश खाली कोसळला, त्यानंतर त्याला तातडीने रुग्णालयात नेण्यात आले. जिथे डॉक्टरांनी त्याला मृत घोषित केले. ‘भाभीजी घर पर हैं’ या लोकप्रिय टीव्ही शोमध्ये दीपेशने मलखान सिंगची भूमिका साकारली होती.
शोचे सहाय्यक दिग्दर्शक अभिनय यांनी अभिनेत्याच्या निधनाच्या वृत्ताला दुजोरा दिला आहे. तसेच शोचा अभिनेता वैभव माथूरनेही या बातमीला दुजोरा दिला आहे. तो म्हणाला, “हो, तो आता आपल्यात नाही. मला याक्षणी यावर काहीही बोलण्याच्या मनस्थितीत नाही. कारण सांगण्यासारखे काहीच राहिले नाही.”
या शोपूर्वी दीपेशने बिंदास टीव्हीच्या ‘कॉमेडी का किंग कौन’, ‘कॉमेडी क्लब’, ‘भूतवाला’, ‘एफआयआर’सह ‘चॅम्प’ आणि ‘सुन यार चिल मार’ सारख्या शोमध्ये काम केले आहे. 2007 मध्ये दीपेशने ‘फालतू उटपटांग चटपटी कहानी’ या चित्रपटातही काम केले होते. यासोबतच तो आमिर खानसोबत टी-20 वर्ल्ड कपच्या जाहिरातीतही दिसला होता.
