भीषण अपघात! 26 जवानांना घेऊन जाणारी गाडी नदीत कोसळली
ZunjarNeta Live! वर प्रेस करून ज्वाईन करा वॉट्सअप्प ग्रुप
27 May :- लडाखच्या तुर्तुक सेक्टरमध्ये एका लष्करी वाहनाला झालेल्या अपघातात तब्बल 7 जवान शहीद; तर अनेकजण गंभीर जखमी झालेत. जखमींपैकी अनेकांची प्रकृती चिंताजनक आहे. त्यामुळे त्यांना हवाई दलाच्या मदतीने वेस्टर्न कमांडमध्ये हलवण्यात येत आहे.
लष्कराच्या माहितीनुसार, लष्कराचे 26 जवान शुक्रवारी सकाळी परतापूरहून हनीफ सब सेक्टरमधील फॉरवर्ड पोस्टकडे जात होते. पण, रस्त्यातच त्यांचे वाहन श्योक नदीत कोसळले. थोइसे येथून 25 किमी अंतरावर हा अपघात घडला. त्यानंतर सर्वच जवानांना लगतच्या आर्मी फिल्ड रुग्णालयात हलवण्यात आले. पण, तिथे उपचारादरम्यान 7 जवानांचा मृत्यू झाला.
स्थानिक डॉक्टरांच्या मदतीसाठी लेह येथून तज्ज्ञांचे एक पथक परतापूरला पाठवण्यात येत आहे. तूर्त, गंभीर जवानांना हवाई दलाच्या मदतीने वेस्टर्न कमांडमध्ये हलवण्यात येत आहे.
