मेहता साहेब नव्या शोमध्ये दिसणार
ZunjarNeta Live! वर प्रेस करून ज्वाईन करा वॉट्सअप्प ग्रुप
22 May :- ‘तारक मेहता का उल्टा चष्मा’ ही मालिका अनेक वर्षांपासून प्रेक्षकांचे अविरत मनोरंजन करत आहे. या मालिकेतल्या सगळ्या कलाकारांनी प्रेक्षकांची मने जिंकली आहे. जेठालाल, पोपटलाल, भीडे, हंसराज हाथी, अैय्यर, बाबूजी, सोढी, दया, बबीता, माधवी, कोमल, रोशन, अंजली, टप्पू सेना या सगळ्या व्यक्तीरेखा घरोघरात लोकप्रिय आहे. अशातच या शोमध्ये ‘तारक मेहता’ची भूमिका साकारणारे अभिनेता शैलेश लोढा सध्या प्रचंड चर्चेत आहेत. काही मीडिया रिपोर्ट्सनुसार शैलेशने या शोला अलविदा म्हटले आहे. दरम्यान, आता शैलेश लोढा यांच्या नवीन शोचा प्रोमो समोर आला आहे.
शैलेश यांनी शो सोडल्याचे ऐकल्यानंतर त्यांचे चाहते दु:खी झाले आहेत. मात्र, या चर्चेवर शोचे निर्माते आणि शैलेश लोढा यांचे अधिकृत वक्तव्य अद्याप आलेले नाही. त्यामुळे शैलेश ही मालिका सोडणार नाही, अशी अटकळ देखील बांधली जात आहे.
‘तारक मेहता…’ सोडल्याची चर्चा सुरु असतानाच शैलेश लोढा यांच्या नव्या शोचा प्रोमो समोर आला आहे. शैलेश लोढा हा शो होस्ट करणार आहेत. ‘वाह भाई वाह’ असे या शोचे नाव आहे. या शोचा प्रोमो ‘शेमारू टीव्ही’ने सोशल मीडियावर शेअर केला आहे. प्रोमो शेअर करताना त्यांनी लिहिले, ‘वाह भाई! तुम्हाला माहिती असेलच, हा कोण आहे, जो नवीन शो घेऊन येत आहे?’
गेल्या आठवडाभरापासून ‘तारक मेहता…’ या मालिकेमध्ये शैलेश लोढा दिसलेले नाहीत. तसेच, ते काही दिवसांपासून सेटवर देखील येत नसल्याचे अनेक मीडिया रिपोर्ट्सने सांगतिले आहे. त्यामुळे आता ते ही मालिका सोडणार असल्याची चर्चा सुरु आहे. यावर तारक मेहेता मालिकेचे निर्माते असित कुमार मोदी यांनी आपली प्रतिक्रिया दिली आहे.
एका प्रसिद्ध वेबसाईटशी बोलताना असित कुमार मोदी म्हणाले की, या सगळ्या अफवा आहेत. शैलेश लोढा किंवा मी यापैकी कुणीही याप्रकरणी अद्याप कोणतेही अधिकृत वक्तव्य दिलेले नाही. मात्र, गेल्या काही दिवसांपासून येत असलेल्या बातम्या अस्वस्थ करणाऱ्या आहेत. शैलेश ही मालिका सोडणार आहे का, याबद्दल मला काहीच माहिती नाही. असे काही असते तर, मला नक्कीच आधीच कळवले गेले असते. असे निर्माते असित कुमार मोदी यांनी सांगतिले.
