कंटनेरची ट्रान्सफार्मरला धडक

ZunjarNeta Live! वर प्रेस करून ज्वाईन करा वॉट्सअप्प ग्रुप

18 May :- केज अंबाजोगाई कुंबेफळ जवळ अजून एक अपघात झाला आहे. भरधाव वेगात जाणाऱ्या कंटनेरकेज अंबाजोगाई रोडवर कोठे ना कोठे अपघात होताना दिसून येत आहे. कंटेनर चालकाचा ताबा सुटल्याने रस्त्याच्या कडेला असलेल्या रोहित्रला कंटनेरची जोराची धडक बसली. या अपघातात चालक आणि क्लिनर दोघे जखमी झाले असून रोहित्र सेट पूर्ण निकामी होऊन पोल ही वाकडे झाल्याने महावितरणचे 3 लाख रुपयांचे नुकसान झाले. हा अपघात कुंबेफळ (ता. केज ) येथे बुधवारी (दि. 18 ) दुपारी 2 वाजता झाला.केजकडून कंटनेर ( टी. एस. 12 यु डी 1293) अंबाजोगाईकडे बुधवारी दुपारी निघाला होता.

केज अंबाजोगाई रस्त्यावरील कुंबेफळहुन पुढे गेल्यानंतर कंटनेरच्या चालकाचा ताबा सुटल्याने कंटनेर हा कुंबेफळ शिवारातील रस्त्याच्या कडेला असलेल्या शेतभाई ट्रान्सफार्मरला जाऊन धडकला. या अपघातात कंटनेरचा चालक व क्लिनर दोघे जखमी झाले. त्यांना रुग्णवाहिकेतून अंबाजोगाईच्या शासकीय रुग्णालयात दाखल करण्यात आले. तर ट्रान्सफार्मरला जोराची धडक बसल्याने ट्रान्सफार्मरचे तुकडे – तुकडे होऊन लोखंडी पोल ही मोडले आहेत. यामध्ये विद्युत महावितरण कंपनीचे 3 लाख रुपयांचे नुकसान झाले आहे. मात्र सुदैवाने सिंगल फेज विद्युत पुरवठा सुरू असल्याने जीवित हानी झाली नाही. महावितरणचे कनिष्ठ तंत्रज्ञ अशोक विष्णू वैरागे (रा. आनंदगाव ता. केज) यांच्या फिर्यादीवरून कंटनेर चालकाविरुद्ध युसुफवडगाव पोलिसात गुन्हा दाखल झाला आहे. सहाय्यक फौजदार रामधन डोईफोडे हे पुढील तपास करत आहेत.