पंकजा मुंडेंचं धनंजय मुंडेंना उत्तर

ZunjarNeta Live! वर प्रेस करून ज्वाईन करा वॉट्सअप्प ग्रुप

20 March :- बीडमध्ये मुंडे बहिण-भावांमध्ये सुरु असलेलं शाब्दिक युद्ध अद्यापही सुरुच आहे. काही दिवसांपूर्वी भाजपा खासदार प्रीतम मुंडे यांनी केलेल्या टीकेनंतर आता पंकजा मुंडे यांनी राष्ट्रवादी काँग्रेसचे नेते आणि जिल्ह्याचे पालकमंत्री धनंजय मुंडे यांच्यावर निशाणा साधला आहे. मी बीड जिल्ह्याची बदनामी नाही, तर काळजी घेतली अशा शब्दांत त्यांनी प्रसारमाध्यमांशी बोलताना धनंजय मुंडेंना उत्तर दिलं आहे.

धनंजय मुंडे यांनी शनिवारी दुपारी जिल्हा परिषदेच्या नवीन इमारतीचे लोकार्पण केले, तर सायंकाळी बीड तालुक्यातील बेलेश्वरमध्ये विविध विकासकामांचे भूमिपूजन पंकजा मुंडे यांच्या हस्ते करण्यात आले. यानिमित्ताने मुंडे बहिण भावात शाब्दिक युद्ध रंगलं. “पाच वर्ष आम्ही सत्तेत होतो.

प्रत्येक कोनशिला आणि निमंत्रण पत्रिकेवर त्यांचं नाव असायचं, पण आज त्यांनी मोठेपणा दाखवला नाही. मात्र आम्ही नक्की दाखवू,” असं पंकजा मुंडे म्हणाल्या. मी बीड जिल्ह्याची बदनामी केली नाही, तर काळजी घेतली. ते विरोधी पक्षात असताना वेठीस धरायचे,” असं म्हणत पंकजा मुंडे यांनी धनंजय मुंडेंवर टीका केली.