वाचा, हिजाबवर कर्नाटक उच्च न्यायालयाने काय दिला निर्णय?
ZunjarNeta Live! वर प्रेस करून ज्वाईन करा वॉट्सअप्प ग्रुप
15 March :- कर्नाटकातील शाळा आणि महाविद्यालयांमध्ये हिजाब घालण्यास परवानगी नाही. कर्नाटक उच्च न्यायालयाने मंगळवारी हा निर्णय दिला. गेल्या 74 दिवसांपासून या प्रकरणावर सुरू असलेल्या वादावर निर्णय देताना उच्च न्यायालयाने दोन महत्त्वाच्या गोष्टी सांगितल्या. पहिली- हिजाब हा इस्लामचा अनिवार्य भाग नाही. दुसरी- विद्यार्थी शाळा किंवा महाविद्यालयाचा विहित गणवेश घालण्यास नकार देऊ शकत नाहीत.
हायकोर्टाने हिजाबच्या समर्थनाच्या मुस्लिम मुलींसह इतर लोकांनी केलेल्या सर्व 8 याचिका फेटाळून लावल्या. सरन्यायाधीश ऋतुराज अवस्थी, न्यायमूर्ती कृष्णा एस. दीक्षित आणि न्यायमूर्ती खाजी जयाबुन्नेसा मोहिउद्दीन यांनी शालेय गणवेश अनिवार्य करणारा राज्य सरकारचा ५ फेब्रुवारीचा आदेश बाजूला ठेवण्यास नकार दिला.
या निर्णयाच्या पार्श्वभूमीवर संपूर्ण दक्षिण कर्नाटकात कलम 144 लागू करण्यात आले आहे. दक्षिण कर्नाटकच्या उपायुक्तांनी एक निवेदन जारी केले आहे की, 15 मार्च रोजी सर्व शाळा आणि महाविद्यालये बंद राहतील.
विद्यार्थी शाळा-कॉलेजमध्ये गणवेश घालण्यास नकार देऊ शकत नाहीत.
शाळा किंवा कॉलेजला स्वतःचा गणवेश ठरवण्याचा अधिकार आहे.
हायकोर्टाने हिजाब वादाशी संबंधित सर्व याचिका फेटाळून लावल्या.
बंगळुरूचे पोलिस आयुक्त कमल पंत यांनी दिलेल्या माहितीनुसार, बंगळुरूमध्ये १५ ते २१ मार्च या एका आठवड्यासाठी सार्वजनिक ठिकाणी सर्व प्रकारचे मेळावे, आंदोलन, निषेध कार्यक्रमांवर बंदी घालण्यात आली आहे. 25 फेब्रुवारी रोजी न्यायालयाने 11 दिवसांच्या सुनावणीनंतर निकाल राखून ठेवला होता.
