धारूर घाटात भीषण अपघात

ZunjarNeta Live! वर प्रेस करून ज्वाईन करा वॉट्सअप्प ग्रुप

14 March :- धारूर घाट अरूंद असल्याने सतत लहान मोठे अपघात होत असुन, यात अनेकांचा बळी ही गेल्याच्या घटना घडल्या आहेत. आज पुन्हा या धारूर घाटात सिमेंट वाहतुक करणाऱ्या एका ट्रकचा सोमवारी सकाळी नऊ वाजे दरम्यान अपघात. उस्मानाबाद येथुन माजलगावकडे सिमेंट घेऊन जाणारा ट्रक क्र.एम.एच.२५पी-९५४७ च्या चालकाचा गाडीवरील ताबा अचानक गेल्याने सदर ट्रक घाटातील एका अवघड वळणावर चारही टायर वर करून पल्टी झाला.

या भिषण अपघातात चालक गंभीर जखमी झाला, त्यास उपचारार्थ दवाखान्यात दाखल करण्यात आले आहे. धारूर घाटात यापुर्वी ही सतत अपघात झाले असुन,हा घाट म्हणजे अपघातास निमंत्रण देणारा घाट अशी ओळख होत आहे.अरूंद घाट रस्ता असल्याने अपघाताचे प्रमाण वाढत असुन आता तरी संबंधितांनी धारूर घाटाचे रुंदीकरण करून होणाऱ्या अपघातांना आळा घालावा. अशी मागणी वाहनचालकांसह नागरिकांनी केली आहे.