तब्बल 29 जणांनी केला बलात्कार
ZunjarNeta Live! वर प्रेस करून ज्वाईन करा वॉट्सअप्प ग्रुप
२३ सप्टेंबर | मुबंई साकीनाका येथील घटनेनंतर डोंबिवलीत 15 वर्षीय मुलीवर झालेल्या अत्याचाराने एकच खळबळ उडाली आहे. तब्बल 29 जणांनी तिच्यावर गेल्या 8 महिन्यात वेगवेगळ्या ठिकाणी बलात्कार केल्याचा आरोप पिडीत मुलीने केला आहे अशी माहिती दिली. याप्रकरणी मानपाडा पोलीस ठाण्यात बुधवारी रात्री गुन्हा दाखल होताच मानपाडा पोलिसांच्या चार पथकांनी 23 आरोपींना अटक करत पोक्सो अंतर्गत गुन्हा दाखल केला आहे. यातील दोन आरोपी हे अल्पवयीन असल्याची माहिती गुरुवारी अप्पर पोलीस आयुक्त दत्तात्रय कराळे यांनी दिली. इतर आरोपींचा शोध पोलीस घेत आहेत.
डोंबिवली सारख्या सुशिक्षित शहरात एका 15 वर्षीय मुलीवर बलात्कार झाल्याची घटना घडली आणि एकच खळबळ उडाली. भोपर गावात राहणाऱ्या पीडित मुलीवर दोन दिवसापूर्वी बलात्कार झाला. तिला त्रास होऊ लागल्याने तिने याविषयी आईला सांगताच आईने घरच्यांना कल्पना देत मानपाडा पोलीस ठाण्यात धाव घेतली. बुधवारी रात्री 29 जणांविरोधात तक्रार दाखल केली. यामध्ये 29 जानेवारी ते 22 सप्टेंबर 2021 या कालावधीत डोंबिवली, बदलापूर, मुरबाड व रबाळे या परिसरात आरोपींनी बळजबरीने तिच्यावर बलात्कार करीत त्याचे व्हिडीओ चित्रीकरण केले.
काढलेला व्हिडीओ व्हायरल करण्याची धमकी देत तिच्यावर नंतर वारंवार बलात्कार करण्यात आल्याचे म्हटले. तक्रारीनुसार मानपाडा पोलीस ठाण्यात गुन्हा दाखल केला गेला. अप्पर पोलीस आयुक्त दत्तात्रय कराळे, कल्याण परिमंडळ 3 चे पोलीस उपायुक्त सचिन गुंजाळ यांनी तपास सुरु करत 4 पोलीस पथके स्थापन करीत काही तासात मुलीने दिलेल्या माहितीच्या आधारे 23 जणांना अटक केली.
यातील 2 जण अल्पवयीन मुले आहेत. उर्वरित आरोपींचा शोध सुरू आहे. याचा अधिक तपास सहाय्यक पोलीस आयुक्त सोनाली ढोले या करीत आहेत. पोलिसांनी आरोपींची नावे अद्याप उघड केली नसल्याने हा संशय अधिक बळावला आहे.
