बालिकेचा हात धरून प्रपोज केला कोर्टाने दिली ‘ही’ कठोर शिक्षा
ZunjarNeta Live! वर प्रेस करून ज्वाईन करा वॉट्सअप्प ग्रुप
२० सप्टेंबर | बालिकेवरील लैंगिक अत्याचार प्रकरणी कोल्हापूर जिल्हा व सत्र न्यायाधीश ए. एस. महात्मे यांनी आरोपी धनाजी विश्वास कोळी (वय २५ रा. लाटवडे, ता. हातकणंगले)याला चार वर्षे सक्तमजुरीची शिक्षा आणि वीस हजार रुपये दंड ठोठावला.आरोपी धनाजी कोळी हा विद्यार्थी वाहतूक करणाऱ्या बसवर चालक म्हणून काम करत होता. एका बालिकेशी त्याने ओळख वाढवली. त्यानंतर ती शाळेला ये जा करताना मोटार सायकवरून तो तिचा पाठलाग करायचा.
बालिका अल्पवयीन आहे हे माहीत असून १७ फेब्रुवारी २०१८ रोजी वेळोवेळी वाईट हेतून वडगाव ते नागावपर्यंत मोटार सायकलवरून त्याने तिचा पाठलाग केला. तसेच आरोपीने बालिकेचा हात धरून माझे तुझ्यावर प्रेम आहे असे म्हणून लज्जा उत्पन्न होईल असे वर्तन केले. त्यानंतर बालिकेच्या पालकांनी वडगाव पोलीस ठाण्यात गुन्हा दाखल केला होता.
या गुन्ह्याचा तपास तत्कालीन उप विभागीय अधिकारी कृष्णात पिंगळे यांनी केला. त्यानंतर आरोपीविरुद्ध कोर्टात आरोपपत्र दाखल केले. या खटल्यात सरकारी वकील अमिता कुलकर्णी यांनी आठ साक्षीदार तपासले. पीडित मुलगी आणि इतर साक्षीदारांच्या साक्षी महत्त्वाच्या ठरल्या. साक्षीदारांचे जबाब आणि सरकारी वकील कुलकर्णी यांचा युक्तीवाद ग्राह्य मानून कोर्टाने आरोपी कोळी यास चार वर्षे सक्तमजुरीची शिक्षा आणि वीस हजार रुपयांचा दंड अशी शिक्षा ठोठावली
