तरुणाने गळफास घेऊन केली आत्महत्या
ZunjarNeta Live! वर प्रेस करून ज्वाईन करा वॉट्सअप्प ग्रुप
जळगाव शहरातील काशिबाई कोल्हे शाळेच्या मागच्या आवारात एका झाडाला स्कार्फ बांधून तरुणाने गळफास घेऊन आत्महत्या केल्याची घटना आज गुरुवारी सकाळी ७.३० वाजता उघडकीस आली. मुतखड्याच्या आजाराला कंटाळून त्याने आत्महत्या केल्याची शक्यता वर्तविण्यात येत आहे. दिनेश कमलाकर ठाकूर (वय २३, रा. पांझरपोळ चौक) असे मृत तरुणाचे नाव आहे.
एमआयडीसीत काम करणारा दिनेश ठाकूर हा तरुण आपल्या आई कल्पनाबाई यांच्यासह राहत होता. त्याचा मोठा विवाहित भाऊ गोपाळ हा पत्नीसह धुळे येथे राहतो. गेल्या दोन महिन्यांपासून दिनेशचा मुतखड्याचा त्रास वाढला होता. त्यामुळे तो नैराश्यात होता. बुधवारी रात्री नऊ वाजेच्या सुमारास मित्र गावाहून येत आहे, त्याला भेटण्यासाठी जातो असे आईला सांगून तो घराबाहेर पडला होता. यानंतर घरी परतलाच नाही.
मध्यरात्रीच्या सुमारास त्याने काशिबाई कोल्हे शाळेच्या मागच्या बाजूस एका झाडाला स्कार्फ बांधून गळफास घेत आत्महत्या केली. गुरुवारी सकाळी ७.३० वाजता परिसरातील नागरिकांना ही घटना कळाली. यांनतर त्यांनी शनिपेठ पोलिसांना माहिती दिली. यांनतर पोलिसांनी ओळख पटवून दिनेशच्या कुटुंबीयांना संपर्क साधला. मुतखड्याच्या त्रासाला कंटाळून दिनेशनं आत्महत्या केल्याची शक्यता कुटुंबीयांनी व्यक्त केली आहे. या प्रकरणी शनिपेठ पोलीस ठाण्यात अकस्मात मृत्यूची नोंद करण्यात आली आहे.
