मोटारसायकल आणि क्रुझरची धडक,१ जणाचा जागीच मृत्यू
ZunjarNeta Live! वर प्रेस करून ज्वाईन करा वॉट्सअप्प ग्रुप
०८ सप्टेंबर | माजलगाव तालुक्यातील छोटेवाडी येथे हायवेवर घडलेल्या अपघातात मोठेवाडी येथील युवक मुक्तीराम नागोराव शेळके, वय ३० यांचा जागीच मृत्यू झाल्याची वेदनादायी घटना घडली आहे. संध्याकाळच्या सुमारास घडलेल्या या अपघाताचे स्वरूप भयानक असल्याचे गंगामसला येथील एसबीआय बँक शाखेचे व्यवस्थापक नवनाथ धरपडे यांनी आमचे प्रतिनिधी शेख अनवर यांना दिल्यानंतर झालेल्या अपघाताची भ्रमणध्वनीद्वारे माहिती घेण्यासाठी मोठेवाडी येथील सरपंच अविनाश गोंडे यांना संपर्क साधला असता त्यांनी थोडक्यात माहिती अशी दिली की,
मौजे मोठेवाडी येथील युवक मुक्तीराम शेळके हे आपल्या एम. एच.१४ ई.जे.७०७ या गाडीवरून घरी परत जात असताना समोरून येणाऱ्या क्रुझर गाडी क्रमांक एम. एच.२५ आर ४१४० या दोन्ही गाड्यात समोरासमोर धडक होऊन शेळके यांच्या डोक्याला जबर मार लागून जागीच मृत्यू झाला. डोक्याच्या मेंदू असलेल्या ठिकाणापासून बरेच रक्त बाहेर पडल्याने त्यांना दवाखान्यात नेण्याची ही वेळ मिळाला नाही असे, सरपंच गोंडे यांनी दुःखी आवाजात सांगितले. अपघात नेमका कसा झाला? याची विस्तृत माहिती आणखी काही मिळू शकली नाही.
