दिलासादायक! पॉझिटिव्ह रेट घटला; कोरोनामुक्त होणाऱ्यांचे संख्या वाढली
ZunjarNeta Live! वर प्रेस करून ज्वाईन करा वॉट्सअप्प ग्रुप
28 Aug :- बीड जिल्ह्यात दिवसेंदिवस कोरोना चाचण्यांचे वाढते प्रमाण, कोरोनामुक्त होणाऱ्या रुग्णांची वाढती संख्या तर दररोज कमी होत असलेला कोरोनाचा पॉझिटिव्ह रेट बीड जिल्हावासीयांना सुखावणारा आहे. मात्र नागरिकांनीही कोरोना संपल्यागत न वागता कोरोना विषयक सर्व नियमाचे अद्यापही पालन करणे अत्यावश्यक आहे.
आज (दि.२८) कोरोनारुग्णांपेक्षा कोरोनामुक्त झालेल्यांचा आकडा अधिक आहे. हा आकडा दरदिवशी कमी -अधिक होत आहे. कोरोनारुग्ण ८२ तर कोरोनामुक्त झालेल्यांचा आकडा १०३ आहे. आरोग्य विभागाने ही माहिती दिली.
शुक्रवारी ४ हजार ४२० जणांनी कोरोना चाचणीसाठी नमुने दिले होते. त्याचे अहवाल आज (दि. २८) प्राप्त झाले, त्यामध्ये ८२ नमुने पॉझिटिव्ह आढळून आले. तर ४ हजार ३३८ नमुने निगेटिव्ह आले आहेत. बाधितांमध्ये बीड तालुक्यात १७, अंबाजोगाई २, आष्टी २३, धारूर १, गेवराई ७, १२, माजलगाव २, परळी १, पाटोदा ६, शिरूर १ तर वडवणीतील १० रुग्णांचा समावेश आहे.
