ढगफुटी होऊन ‘या’ राज्यात महाप्रलयंकारी पूर
ZunjarNeta Live! वर प्रेस करून ज्वाईन करा वॉट्सअप्प ग्रुप
12 July : हिमाचल प्रदेशची हिवाळी राजधानी धर्मशाळामधील भागसू नाग भागात आज सकाळी अचानक ढगफुटी झाली त्यामुळे हाहाकार माजला. ढगफुटीनंतर या भागात पुरस्थिती तयार झाली.पुरामुळे भागसू नाग भागातील छोटे नाले ओव्हरफ्लो होऊन वाहत आहेत. पाण्याची पातळी वाढल्यानं नाल्यांनी विक्राळ नदीचं रुप घेतलंय. या नाल्यांच्या कडेला असणारे हॉटेल आणि घरांना देखील पुराने मोठं नुकसान झालंय. एकाएकी तयार झालेल्या या परिस्थितीमुळे या ठिकाणी भीतीचं वातावरण तयार झालंय. यानंतर प्रशासनाने शहरी भागात हाय अलर्ट जारी केलाय.
पुराचं पाणी शहरातील घरांमध्ये घुसलंय. त्यामुळे नागरिकांचं मोठं नुकसान झालंय. पुरात अनेक लग्जरी कार वाहून गेल्यात. धर्मशाळेच्या भागसू नाग भागातील ढगफुटी इतकी भयानक होती, की त्यानंतर लगेचच पूर आला.हिमाचल प्रदेशमधील काही जिल्ह्यांमध्ये मुसळधार पाऊस सुरू होता. त्यामुळे नागरिकांना उष्णतेपासून दिलासा मिळाला, मात्र पुराने मोठ्या प्रमाणात नुकसान केलं. मैदानी भागात या दिवसांमध्ये प्रचंड उकाडा असल्यानं अनेक लोक या काळात धर्मशाळाच्या भागसू नाग भागात थांबतात. त्यामुळे या भागात मोठ्या प्रमाणात गाड्या होत्या. पुराने या सर्व वाहनांचं मोठं नुकसान झालं.
