अर्धनन्ग आंदोलन करताच रुग्णालयाने परत केले रुग्णांचे पैसे
ZunjarNeta Live! वर प्रेस करून ज्वाईन करा वॉट्सअप्प ग्रुप
25 May :- नाशिकमधील एका खाजगी हॉस्पिटलने कोरोना बाधित रुग्णांना अवाजवी बिल आकारत त्याने भरलेले डिपॉझिटचे 1 लाख 40 हजार रुपये परत करण्यास नकार दिला होता. या रुग्णांचे 10 लाख रुपये मेडिक्लेम कंपनीने हॉस्पिटलला दिले होते. मात्र या दरम्यान हॉस्पिटल सेफ साईड म्हणून 1 लाख 40 हजार रुपये डिपॉजीट म्हणून घेतले होते. तसेच ते पैसे परत सुद्धा देण्यात येत नव्हते. या घटनेच्या विरोधात पीडित रुग्णांच्या मुलाने रूग्णांना आवाजवी बिल आकारणाऱ्या हॉस्पिटल विरोधात मोहीम सुरू केलेल्या ऑपरेशन हॉस्पिटल या सामाजिक चळवळीच्या टीमकडे मदत मागतली.
यानंतर त्यांनी टीमसह हॉस्पिटलमध्ये धडक दिली आणि या टीमला देखील हॉस्पिटलने उडवा उडवीची उत्तरे देत पैसे देण्यास नकार दिला. या नंतर या टीमने थेट हॉस्पिटलच्या कार्यलयातच कपडे काढूत नग्न अवस्थेत आंदोलन करत पैसे मिळवून देण्याची मागणी केली. तब्बल 2 तास चाललेल्या या आंदोलनाला नंतर अखेर हॉस्पिटलने रुग्णाकडून घेतलेले डिपॉझिटचे 1 लाख 40 हजार रुपये परत केले. कोरोनाच्या या संकटात अशा प्रकारे रुग्णालयांकडून सर्वसामान्य नागरिकांची लूट होण्याचे आतापर्यंत अनेक प्रकार समोर आले आहेत. या रुग्णालयांना चाप कधी बसणार आणि अशा प्रकारे नागरिकांची लूट कधी थांबणार असा प्रश्न उपस्थित होत आहे.
