मुलाने केला बापावर गोळीबार

ZunjarNeta Live! वर प्रेस करून ज्वाईन करा वॉट्सअप्प ग्रुप

आष्टी : विनायकनगर, मुर्शदपूर ता.आष्टी येथील रहिवासी किरण संतोष लटपटे वय 24 वर्षे हा सुरक्षारक्षक म्हणून पुणे येथे नोकरीस आहे. त्याचे वडील संतोष लटपटे हे सेवानिवृत्त फौजी आहेत.1 मार्च 2020 रोजी ते सेवानिवृत्त झाले. वडीलांना दारूचे व्यसन होते. किरण हा एकूलता एक मुलगा आहे. माञ वडील व्यसनाधीन असल्याने घरात वारंवार आई वडीलांचे वाद होत होते. याच वादाचे रुपांतर आज आईला वडीलांनी मारहान करण्यात झाले.

मी वाद मिटविण्यासाठी मध्यस्ती करीत असताना वडीलांनी मला सुद्धा घरातील पिस्तूलने उडवून टाकण्याची धमकी देत मी कशापद्धतीने तुला मारु शकतो हे पिस्तूल हातात घेऊन दाखवित असताना त्यांच्या हातातून पिस्तूल खाली पडले त्यानंतर ती पिस्तूल मी माझ्या हातात घेऊन वडीलांवर दोन फायर केले पैकी एक वार त्यांच्या पोटावर झाला व एक वार चुकला असल्याचे मुलाने सांगितले. सदर घटनेनंतर मुलाला पोलीसांनी घटनास्थळावरुन ताब्यात घेतले असुन वडीलांना पुढील उपचारासाठी बीड येथे हलविण्यात आले आहे.