धर्मेंद्र यांच्या प्रकृतीमुळे चित्रपटाचं चित्रीकरण थांबवलं

‘अपने 2’ चित्रपटातुन धर्मेंद्र येणार प्रेक्षकांच्या भेटीस

17 April :- अभिनेते धर्मेंद्र यांनी बॉलिवूडला अनेक हिट चित्रपट दिले. ऐकेकाळी चाहत्यांच्या मनात घर केलेल्या धर्मेंद्र यांच्या चाहत्यांची संख्या दिवसागणिक वाढत आहे. धर्मेंद्र लवकरच ‘अपने 2’ चित्रपटाच्या माध्यमातून प्रेक्षकांच्या भेटीस येणार आहेत. पण 85 वर्षीय धर्मेंद्र यांची प्रकृती लक्षात घेत चित्रपटाचं चित्रीकरण थांबवण्याचा निर्णय निर्मात्यांनी आणि चित्रपटाच्या संपूर्ण टीमने घेतला आहे.

झुंजारनेता वर क्लीक करून वॉट्सअँप ग्रुप ज्वाईन करा!

चित्रपटात धर्मेंद्र, सनी देओल आणि बॉबी देओल मुख्य भूमिकेत दिसणार आहेत.पण कोरोना महामारीचं संकट लक्षात घते चित्रीकरण पुढे ढकलण्याचा निर्णय दिग्दर्शक अनिल शर्मा यांनी घेतला आहे. टाईम्स ऑफ इंडिया दिलेल्या मुलाखतीत त्यांनी चित्रपटाचं चित्रीकरण पुढे ढकलण्याचा निर्णय घेतला आहे. त्यामुळे आता धर्मेंद्र यांना पाहाण्यासाठी प्रेक्षकांना प्रतीक्षा करावी लागणार आहे.

अनिल शर्मा म्हणाले, ‘चित्रपटाचं चित्रीकरण अद्याप पूर्ण झालेलं नाही. त्यामुळे प्रदर्शनाच्या तारखेचा प्रश्नचं उपस्थित होत नाही. पुढचे काही दिवस सिनेमागृह सुरू होणार नाहीत. त्यामुळे घाई करण्यात काहीच अर्थ नाही. महत्त्वाचं म्हणजे धर्मेंद्र यांची प्रकृती लक्षात घेत चित्रपटाचं चित्रीकरण पुढे ढकलण्याचा निर्णय घेण्यात आला आहे.