ZunjarNeta Live! वर प्रेस करून ज्वाईन करा वॉट्सअप्प ग्रुप

दि. 20 :- उरुळी कांचन जवळील शिंदवणे घाटात दुसऱ्या वळणावरुन मार्गस्थ होताना अचानक फेल झालेला ट्रक दिसल्याने वारकऱ्यांचा ट्रक दरीत कोसळु नये म्हणून चालकाने वेळीच प्रसंगावधान राखून ट्रक मातीच्या ढिगाऱ्यात घुसवला. जबरदस्त धक्का बसल्याने काही वारकरी फेकले गेले या घटनेत 12 वारकरी जखमी झाले असून चार जणांची प्रकृती चिंताजनक आहे.

ही घटना आज दुपारी चार वाजता शिंदवणे घाटात घडली. ​​​​​​ट्रकमध्ये चाळीस वारकरी होते, चालकाचा आत्मविश्वास आणि चाणाक्षपाणामुळे त्यांचे प्राण वाचल्याचे सांगण्यात आले आहे.

साखरवाडी येथून सोमवारी दुपारी दोन वाजता आळंदीसाठी निघालेले 40 वारकरी घेऊन जाणाऱ्या ट्रकला शिंदवणे घाटात ड्रायव्हर पोपट बबनराव यादव (रा. सोळशी नायगाव ता. कोरेगाव जिल्हा सातारा ) यांना दुसऱ्या वळणावर ट्रकचा (एम. एच. 12, बी. टी. 4362 ) ब्रेक फेल झाल्याचे लक्षात आल्यावर त्यांनी एका मोठ्या मातीच्या ढिगाऱ्यावर ट्रक घातला जेणे करून ट्रकचा मागील भाग मातीत रुतून बसेल आणि तसेच झाले.

ट्रक अर्धा बाहेर व अर्धा मातीत रुतल्यामुळे गाडीला जोरात धक्का बसल्यामुळे कँबीन मधील वारकरी पंचवीस फुट खाली रस्त्यावर पडले व आतील वारकरी जखमी झाले. त्यामध्ये 12 वारकरी जखमी झाले असून उरुळी कांचन येथे सिद्धिविनायक हॉस्पिटल मध्ये त्यांना दाखल केले आहे.

ट्रकच्या केबिन वर बसलेले बसलेले सात ते आठ वारकरी खाली पडले व ट्रक मधील आतील वारकरी आतील सामानावर पडून गंभीर जखमी झाले.ट्रकला अपघात झाल्याचे कळताच ऊरुळी कांचन येथील स्थानिकांनी वारकऱ्यांना बाहेर काढुन त्यांना ॲम्बुलन्स मधून हॉस्पिटलमध्ये नेण्यास मदत केली.

The post वारकऱ्यांच्या ट्रकला अपघात first appeared on Zunjarneta live.

ZunjarNeta Live! वर प्रेस करून ज्वाईन करा वॉट्सअप्प ग्रुप

17 May :- राष्ट्रवादी काँग्रेसचे आमदार संग्राम जगताप यांच्या कारचा आज पहाटे 5.30 वाजेच्या दरम्यान रसायनी जवळ हा भीषण अपघात झाला आहे. मुंबई-पुणे एक्सप्रेस वेवर बीएमडब्लू कार आणि एसटीची समोरासमोर धडक झाली, या अपघातात आमदार संग्राम जगताप सुदैवाने बचावले आहेत. संग्राम जगताप यांच्या कारचा या अपघातात चक्काचूर झाला आहे.

मिळालेल्या माहितीनुसार, आज पहाटे 5.30 वाजेच्या दरम्यान रसायनी जवळ हा अपघात घडला आहे. आमदार संग्राम जगताप अपघाताच्या वेळी गाडीमध्ये होते. सुदैवाने या अपघातात कुणीही जखमी झाले नाही.

आज पहाटे ते मुंबईच्या दिशेने निघाले होते. त्यादरम्यान रसायनीजवळ बस आणि कारचा अपघात झाला यात जगताप यांना कोणतीही इजा झालेली नसून, ते मुंबईला पोहोचले आहेत.

The post आमदाराच्या गाडीचा अपघात first appeared on Zunjarneta live.

ZunjarNeta Live! वर प्रेस करून ज्वाईन करा वॉट्सअप्प ग्रुप

16 May :- अंदमान आणि निकोबार बेटांवर 24 तासांत मान्सूनचे आगमन होण्याची शक्यता आहे. आज अंदमान-निकोबारमध्ये मान्सून दाखल झाल्यास केरळमध्ये तो 27 मेपर्यंत पोहोचेल. त्यामुळे पावसासाठी महाराष्ट्र, केरळ, तामिनाडू, अंदमान-निकोबारमध्ये पोषक हवामान तयार होत आहे. या राज्यांमध्ये अनेक भागांत ढगाळ वातावरण आहे. महाराष्ट्रात आज मध्य महाराष्ट्र आणि मराठवाड्यात वादळी वाऱ्यासह पावसाची शक्यता भारतीय हवामान विभागाने वर्तवली आहे.

आज मध्य महाराष्ट्रातील सातारा, कोल्हापूर, सांगली व सोलापूर तर मराठवाड्यातील उस्मानाबाद, लातूर, परभणी व नांदेड या जिल्ह्यांना भारतीय हवामान विभागाने येलो अलर्ट जारी केला आहे. म्हणजेच या भागांत वादळी पावसाचा इशारा देण्यात आला आहे. त्यामुळे या भागांत उकाड्यापासून नागरिकांना दिलासा मिळण्याची शक्यता आहे.

उत्तरेकडील डोंगरी राज्ये जम्मू-काश्मीर, लडाख, हिमाचल प्रदेश आणि उत्तराखंडमध्ये पुढील दोन ते तीन दिवसांत गारांच्या पावसाची शक्यता आहे. पंजाब, हरियाणा, दिल्ली, उत्तर प्रदेश आणि राजस्थानात पुढील दोन दिवस धुळीचे वादळ उठण्याची शक्यता आहे. यामुळे तापमानात घसरण होण्याची शक्यता आहे.

The post मराठवाड्यात वादळी पावसाची शक्यता, 8 जिल्ह्यांना येलो अलर्ट first appeared on Zunjarneta live.

ZunjarNeta Live! वर प्रेस करून ज्वाईन करा वॉट्सअप्प ग्रुप

13 may:- दिवसेंदिवस अपघाताचे प्रमाण वाढले आहे. आणि मृत्यूची संख्या वाढली आहे. जळगाव जिल्ह्यातील मुक्ताईनगरजवळ राष्ट्रीय महामार्गावर भीषण अपघात घडना घडली असून या अपघातात 5 जण ठार झाले आहेत. आज पहाटे 3 वाजेच्या सुमारास हा अपघात झाल्याची प्राथमिक माहिती समोर आली आहे.

मुक्ताईनगरच्या घोडसगावाजवळ बंद पडलेल्या टँकरमधून दुसर्‍या टँकरमध्ये दुध टाकत असताना भरधाव वेगाने आलेल्या ट्रकने टँकर्स आणि क्रेनला जोरदार धडक दिली. यामध्ये पाच जणांचा जागीच मृत्यू झाला. या घटनेमुळे संपूर्ण परिसरात खळबळ उडाली आहे. पोलिस तपास सुरू असल्याची माहिती आहे. अपघातात मृत्यू झालेले 4 धुळे जिल्ह्यातील असून 1 जळगाव येथील आहे. घटनेची माहिती मिळताच मुक्ताईनगर पोलिस घटनास्थळी दाखल झाले.

घटनास्थळी मुक्ताईनगर पोलिस दाखल झाले असून, पंचनामा करण्याचे काम सुरू आहे. पोलिसांकडून 5 मृतदेह ताब्यात घेण्यात आले आहेत.पुढील तपास सुरू असल्याची माहिती आहे.

The post ट्रक टँकर चा भीषण अपघात:,पाच जण जागीच ठार first appeared on Zunjarneta live.

ZunjarNeta Live! वर प्रेस करून ज्वाईन करा वॉट्सअप्प ग्रुप

12 May :- मागील काही दिवसांपासून महाराष्ट्रासह उत्तर भारतात अनेक ठिकाणी उन्हाचा चटका वाढला आहे. बंगालच्या उपसागरात निर्माण झालेल्या असनी चक्रीवादळामुळे महाराष्ट्रासह देशात उन्हाची दाहकता कमी झाली आहे. काल महाराष्ट्रात काही ठिकाणी पावसाच्या सरी देखील कोसळल्या आहे. असं असताना आता भारतीय हवामानशास्त्र विभागानं मान्सूनच्या आगमनाबाबत मोठी बातमी दिली आहे. यंदा अपेक्षेपेक्षा आधीच मान्सून दाखल होईल, असा अंदाज आयएमडीकडून वर्तवण्यात आला आहे.

यंदा अंदमान आणि निकोबार बेटांवर सर्वप्रथम नैऋत्य मोसमी वारे धडकून १५ मे रोजी हंगामातील पहिला पाऊस पडू शकतो, अशी माहिती भारतीय हवामानशास्त्र विभागाने (IMD) गुरुवारी दिली. १५ मे २०२२ च्या सुमारास नैऋत्य मोसमी वारे दक्षिण अंदमान समुद्र आणि लगतच्या दक्षिणपूर्व बंगालच्या उपसागरात धडकण्याची शक्यता आहे,” असंही हवामान विभागानं आपल्या निवेदनात म्हटलं आहे.

दरवर्षी साधारणत: १ जून रोजी केरळमध्ये नैऋत्य मान्सूनचा पाऊस दाखल होत असतो. मात्र, यावर्षी नैऋत्य मोसमी पाऊस एक आठवडा आधीच आगमन करण्याची शक्यता आहे. उत्तरेकडील वाऱ्यांच्या हालचालीमुळे यंदा केरळमध्ये लवकर मान्सून दाखल होण्यासाठी पोषक हवामान तयार होत असल्याचंही हवामान खात्यानं म्हटलं आहे. याशिवाय येत्या पाच दिवसांत अंदमान आणि निकोबार बेटांवर तुरळक ठिकाणी हलका ते मध्यम स्वरुपाचा पाऊस कोसळण्याची शक्यता आहे.

त्याचबरोबर मे महिन्याच्या १४ ते १६ मे या कालावधीत अंदमान निकोबार बेटांवर अचानक मुसळधार पाऊस धडकण्याची दाट शक्यता आहे. दरम्यान १५ मे आणि १६ मे रोजी दक्षिण अंदमान समुद्रात ५० ते ६० किमी प्रतितास वेगाने वादळी वारे वाहण्याची शक्यताही आयएमडीने वर्तवली आहे. तर केरळ-माहे आणि लक्षद्वीप परिसरातही पुढील ५ दिवसांत विजांच्या गडगडाटासह वेगवान वाऱ्यांच्या साथीनं हलका ते मध्यम पाऊस पडण्याची शक्यता आहे.

The post काही दिवसांतच कोसळणार महाराष्ट्रात पावसाच्या सरी first appeared on Zunjarneta live.

ZunjarNeta Live! वर प्रेस करून ज्वाईन करा वॉट्सअप्प ग्रुप

9 May :- महाराष्ट्र माध्यमिक व उच्च माध्यमिक शिक्षण मंडळातर्फे मार्च ते एप्रिल 2022 या कालावधीत घेण्यात आलेल्या ​​​​​​दहावी आणि बारावीच्या परीक्षांच्या निकालाची तारीख जाहीर झाली आहे. दहावीचा निकाल 20 जूनपर्यंत तर बारावीचा निकाल 10 जूनला लागणार असल्याची माहिती एसएससी बोर्डाकडून आज देण्यात आली आहे. त्यामुळे निकाल कधी लागणार या प्रश्नाचे उत्तर बोर्डानेच विद्यार्थ्यांना दिले असून आता निकाल काय लागणार याचीच विद्यार्थ्यांना प्रतिक्षा आहे.

दहावी आणि बारावीचा निकाल तयार करण्याचे काम जलदगतीने सुरु असल्याचेही बोर्डाकडून सांगण्यात आले आहे. दहावी आणि बारावीच्या एकुण 30 लाख विद्यार्थ्यांनी परीक्षा दिली असून त्यांच्या निकालाची तारीख आता जाहीर झाली आहे. कोरोनाच्या प्रादुर्भावामुळे गेल्या वर्षी दहावी आणि बारावीच्या परीक्षा होऊ शकल्या नाहीत. अंतर्गत मूल्यमापनाद्वारे निकाल जाहीर करावा लागला होता.

यंदा करोनाचा प्रादुर्भाव कमी झाल्याने राज्य मंडळाने प्रत्यक्ष परीक्षा आयोजित करण्याचा निर्णय घेतला. त्यानुसार बारावीची परीक्षा 4 मार्चपासून तर 15 मार्चपासून दहावीची परीक्षा सुरू झाली होती. विद्यार्थी करोना बाधित झाल्याने किंवा अन्य वैद्यकीय, अपरिहार्य कारणांमुळे प्रात्यक्षिक, लेखी, तोंडी, अंतर्गत मूल्यमापन परीक्षा देऊ न शकल्याने 5 एप्रिल ते 22 एप्रिल या कालावधीत परीक्षा घेण्यात आली होती.

महाराष्ट्र माध्यमिक व उच्च माध्यमिक शिक्षण मंडळातर्फे (राज्य मंडळ) दहावीची परीक्षा 15 मार्चपासून सुरू झाली होती. 16 लाख 39 हजार 172 विद्यार्थ्यांनी परीक्षेसाठी नोंदणी केली होती. मुख्य केंद्र आणि उपकेंद्र मिळून राज्यात 21 हजार 384 ठिकाणी परीक्षा झाली आहे. आता या विद्यार्थ्यांना निकालाची प्रतिक्षा आहे.

राज्यातील 14 लाख 85 हजार 826 विद्यार्थ्यांनी बारावीच्या बोर्डाच्या परीक्षेसाठी नोंदणी केली होती. यात 6 लाख 22 हजार 994 विद्यार्थी हे विज्ञान शाखेचे तर 4 लाख 37 हजार 336 कला शाखेचे होते. वाणिज्य शाखेतील 3 लाख 64 हजार 262 विद्यार्थ्यांनी परीक्षेसाठी नोंदणी केली होती. किमान कौशल्यावर आधारित अभ्यासक्रमाच्या परीक्षेसाठी 5 हजार 202 विद्यार्थ्यांनी नोंदणी केली होती. तर टेक्निकल सायन्सच्या 932 विद्यार्थ्यांनी नोंदणी केली होती.

The post ‘या’ तारखेला लागणार 10 वी, 12 वीचा निकाल लागणार first appeared on Zunjarneta live.

ZunjarNeta Live! वर प्रेस करून ज्वाईन करा वॉट्सअप्प ग्रुप

4 May :- संपूर्ण महाराष्ट्रात चर्चा सुरु आहे ती फक्त भोंग्यांबाबत आणि राज ठाकरेंबाबत. राज ठाकरेंची भूमिका कितपत योग्य आणि आयोग्य आहे? भोंगे उतरवल्या जातील, राज्यात वातावरण शांत राहील का? अशा अनेक प्रश्नांवर सामान्य नागरिक चर्चा करताना दिसून येत आहेत. आज सकाळपासून मशिदींवरील भोंग्यांच्या मुद्द्यावरून राज्यातील वातावरण तापले आहे.

पुणे, धुळ्यासह अनेक ठिकाणी मनसैनिकांच्या आक्रमक भूमिकेमुळे तणाव निर्माण झाला आहे. त्यामुळे मनसे कार्यकर्त्यांची पोलिसांकडून धरपकड केली जात आहे. यापार्श्वभूमीवर राज ठाकरेंनी पत्रकार परिषद घेत आपली भूमिका स्पष्ट केली. आमच्या आंदोलनामुळे राज्यात आज 92 टक्के मशिदींमध्ये पहाटेची अजान भोंग्यांवरून झाली नाही, असा दावा राज ठाकरेंनी केला. तसेच, पुन्हा भोंग्यांवरून अजान झालीच तर आम्ही पुन्हा दुप्पट आवाजाने मशिदींसमोर हनुमान चालिसा लावू, असा इशारा राज ठाकरे यांनी दिला आहे.

भोंग्यांबाबत आम्ही केवळ कायद्याचे पालन करण्याचे आवाहन केले आहे. तरीदेखील आमच्यावरच कारवाई का केली जाते, असा सवाल राज ठाकरे यांनी सरकारला केला आहे. भोंग्यांचा मुद्दा हा धार्मिक नाही. आम्ही सामाजिक भूमिकेतून याला विरोध करत आहे. भोंग्यांचा त्रास सर्वांनाच होतो. त्यामुळे केवळ मशिदींवरील अनधिकृत भोंगे नव्हे तर मंदिरांवरीलही अनधिकृत भोंगे काढावेत, असेदेखील राज ठाकरे म्हणाले.

मुंबईत आज 1440 पैकी 135 मशिदींवर पहाटे 5 वाजेच्या आत भोंग्यांवरून अजान झाली. त्यावर राज्य सरकार कारवाई करणार का, असा सवाल राज ठाकरे यांनी केला. काल आपली मुंबई पोलिस सहआयुक्त विश्वास नांगरे- पाटील यांच्याशी चर्चा झाली. तेव्हा मशिदींच्या मौलवींशी आपली चर्चा झाल्याचे त्यांनी सांगितले. तसेच, पहाटे 5 च्या आत अजान होणार नाही, असेदेखील विश्वास नांगरे-पाटील यांनी सांगितले होते. मग, अजान कशी झाली, नियम फक्त आमच्यासाठीच आहेत का, असेही प्रश्न राज ठाकरेंनी केले.

मनसेतर्फे भोंग्यांविरोधात करण्यात आलेले आंदोलन आजच्या पुरते मर्यादित नव्हते. जोपर्यंत सर्व मशिदींवरील अनधिकृत भोंगे कायमचे उतरत नाही व ही सामाजिक समस्या कायमची संपत नाही, तोपर्यंत आंदोलन सुरूच राहील, असेदेखील राज ठाकरे यांनी स्पष्ट केले. आमचा प्रार्थनेला विरोध नाही. पण भोंग्यांवरूनच प्रार्थना करण्यासाठी अट्टहास कशासाठी? महाराष्ट्रात हे थांबलेच पाहिजे, असे राज ठाकरे म्हणाले. तसेच, राज्यात दंगे व्हावेत अशी आमची अजिबात इच्छा नाही. पण भोंगे उतरायलाच हवेत, असे राज म्हणाले.

मशिदींवरील भोंगा हा धार्मिक मुद्दा नाही. वर्षभर, त्यातही दिवसभर मशिदींकडून जी अजान दिली जाते, त्यामुळे जो त्रास होतो, त्यालाच आमचा विरोध आहे. मात्र, या मुद्द्याला कुणी धर्मावरून प्रत्युत्तर देत असेल तर आम्हीही तसेच प्रत्युत्तर देऊ, असेदेखील राज ठाकरे यांनी स्पष्ट केले. हिंदुच्या धार्मिक सणांना एका आठवड्यासाठी किंवा 15 दिवसांसाठी अशी परवानगी दिली जाते. मग मशिदींनाच भोंग्यांसाठी 365 दिवसांची परवानगी कशासाठी दिली जाते, असा सवाल राज ठाकरेंनी केला.

मशिदींना 365 दिवस परवानगी द्यायची असले तर त्यांना रोज परवानगी घेणे बंधनकारक करावे. तेदेखील सुप्रीम कोर्टाने ठरवून दिलेल्या नियमांचे पालन करण्याचे त्यांनी आश्वासन दिले तरच त्यांना परवानगी द्यावी, असे राज ठाकरे म्हणाले. सुप्रीम कोर्टाने 55 डेसिबलपर्यंत भोंग्यांना परवानगी देण्याचे निर्देश दिले आहेत. म्हणजेच भोंग्यांचा आवाज मिक्सरच्या आवाजापेक्षा अधिक असता कामा नये, याची दक्षता मशिदींनी घ्यावी. मुळात प्रार्थनेसाठी भोंगा हवाच कशाला, आपली प्रार्थना कोणाला ऐकवायची आहे, पोलिसांना काय रोज तुमच्या भोंग्यांचा डेसिबल मोजण्याचाच धंदा आहे का, असे सवाल राज ठाकरे यांनी केले.

भोंग्यांविरोधात मनसेने आज सकाळपासून आंदोलन सुरू केल्यानंतर पोलिसांकडून मनसैनिकांची धरपकड सुरू आहे. त्यानंतर राज्यातील विविध भागातून आमच्या नेत्यांना फोन येत आहेत. मला पोलिसांचे फोन आले. राज्याबाहेरूनही फोन आले. त्यामुळे आज संध्याकाळी 6 वाजता होणारी पत्रकार परिषद मी आताच घेतली. काही मुद्द्यांबाबत आताच सुचना जाणे गरजेचे होते, असे राज ठाकरे म्हणाले.

The post वाचा, पत्रकार परिषदेत काय म्हणाले राज ठाकरे? first appeared on Zunjarneta live.

ZunjarNeta Live! वर प्रेस करून ज्वाईन करा वॉट्सअप्प ग्रुप

12 April :- राज्यात एकीकडे उन्हाचा पारा वाढत असतानाच दुसरीकडे मात्र, यावर्षी राज्यात यावर्षी चांगला पाऊस राहण्याचा अंदाज स्कायमेटने वर्तवला आहे. यंदा सरासरीच्या 98 टक्के पाऊस पडण्याची शक्यता आहे. जून ते सप्टेंबर या महिन्यात 880 मिमी पावसाचा अंदाज वर्तवण्यात आला आहे. त्यामुळे याही वर्षी बळीराजा सुखावणार आहे.

याआधी फेब्रुवारीमध्ये स्कायमेटने सामान्य मान्सूनचा अंदाज वर्तवला होता. तो कायम ठेवला आहे. ला निना आणि एल निनोचा प्रभाव मान्सूनवर पडणार नाही, असे देखील स्कायमेटने म्हटले आहे. स्कायमेटने आपल्या अंदाजात म्हटले आहे की, मध्यप्रदेश-उत्तरप्रदेश आणि पंजाब, हरियाणामध्ये सामान्यपेक्षा जास्त पाऊस पडू शकतो. तर गुजरातमध्ये सामान्यपेक्षा कमी पाऊस पडेल.

राजस्थान आणि गुजरातसह, ईशान्येकडील नागालँड, मणिपूर, मिझोराम आणि त्रिपुरामध्ये संपूर्ण हंगामात कमी पाऊस पडण्याची शक्यता आहे. दुसरीकडे केरळ आणि कर्नाटकातही जुलै-ऑगस्टमध्ये कमी पाऊस पाडण्याचा अंदाज आहे. अंदाजानुसार, देशभरातील पावसाळ्याचा पहिला भाग उत्तरार्धापेक्षा चांगला राहील. जूनमध्ये मान्सूनची चांगली सुरुवात अपेक्षित आहे.

The post ‘या’ राज्यांमध्ये यावर्षी कमी पावसाची शक्यता first appeared on Zunjarneta live.

ZunjarNeta Live! वर प्रेस करून ज्वाईन करा वॉट्सअप्प ग्रुप

12 April :- राज्यभरातील शाळांना येत्या 2 मे पासून उन्हाळी सुट्ट्या लागणार आहे. 2 मे ते 12 जूनपर्यंत यंदा उन्हाळ्याची सुट्टी असणार आहे. त्यानंतर पुन्हा 13 जूनपासून शाळा सुरू होईल. तर तिकडे विदर्भात मात्र, 27 जूनपर्यंत शाळांना सुट्टी जाहीर करण्यात आली आहे. परिक्षांचा निकाल देखील सुट्टीच्या काळात घोषित केला जाणार आहे.

राज्यातील शाळांना 2 मेपासून उन्हाळी सुट्टी जाहीर करण्यात आली आहे. 2 मे ते 12 जून यंदा उन्हाळ्याची सुट्टी असणार आहे. शाळा पुन्हा 13 जूनला भरवण्यात येणार आहे. तर विदर्भातील शाळांना 27 जूनपर्यंत सुट्टी जाहीर करण्यात आली आहे. परीक्षांचे निकाल सुटीच्या काळात घोषित करता येणार आहेत. राज्यात उन्हाचा पारा वाढत असल्याने नागपुरात शाळांची वेळ बदल्यात आली आहे. नागपुरातील शाळा सकाळी साडेदहा पर्यंत सुरु राहणार आहेत. महापालिका आयुक्तांनी याबाबतचे नवे आदेश काढलेत.

गेल्या आठवड्याभरात नागपुरात उन्हाचा तडाखा प्रचंड वाढला. त्यामुळे वेळेत बदल करण्याचा निर्णय घेण्यात आला. विद्यार्थ्यांची मार्चमध्ये परिक्षा संपली की एप्रिलच्या पहिल्याच आठवड्यात उन्हाळ्याच्या सुट्या मिळत होत्या. मात्र यावर्षी संपुर्ण मार्च आणि एप्रिल महिनाभर पुर्णवेळ शाळा असणार आहे. इतकच नाही तर रविवारीही ऐच्छिक असल्यास शाळा सुरु ठेवण्यात परवानगी देण्यात आली आहे. त्यामुळे यंदा विद्यार्थ्यांना एप्रिलमध्ये उन्हाळ्याची सुटी 2 मे पासून मिळणार आहे.

The post राज्यातील शालेय विद्यार्थ्यांना उन्हाळी सुट्टी जाहीर first appeared on Zunjarneta live.

ZunjarNeta Live! वर प्रेस करून ज्वाईन करा वॉट्सअप्प ग्रुप

8 April :- एसटी कर्मचाऱ्यांच्या पाठिशी आहोत चुकीच्या नेतृत्वाच्या नाही, असे स्पष्ट भूमिका शरद पवारांनी घेतली आहे. एसटी कर्मचाऱ्यांच्या हल्ल्यानंतर पवारांनी ही प्रतिक्रिया दिली आहे. टोकाची भूमिका घेण्याची महाराष्ट्राची परंपरा नाही. नेता चुकीचा असला की काय परिणाम होतात हे आज दिसले असे शरद पवारांनी म्हटले आहे. कारण नसताना एसटी कर्मचारी नोकरीच्या बाहेर राहिले. माझे आणि एसटी कर्मचाऱ्याचे घनिष्ठ संबंध आहेत. गेली 50 वर्षे माझ्याशिवाय त्यांचे एकही अधिवेशन झाले नाही. एसटी कर्मचाऱ्यांना नेतृत्व चुकीच्या भूमिका घ्यायला लावतात तेच याला जबाबदार असे शरद पवारांनी म्हटले आहे.

आपण एसटी कर्मचाऱ्यांच्या पाठीशी आहोत, पण चुकीच्या नेतृत्वाच्या पाठीशी नाही. आपल्याला कुणी चुकीचा रस्ता कुणी दाखवत असेल, तर त्या रस्त्याला विरोध करणे ही आपली जबाबदारी आहे, एव्हढंच मी सांगतो. थोडी माहिती तुम्हाला कळल्याच्या नंतर तातडीने तुमच्याभोवती अनेक सहकारी इथे पोहोचले, ते मी माझ्या पाहण्यात होते. त्यासाठी वेगळे सांगायची गरज नाही. संकट आले की आपण सर्व एक आहोत हेच तुम्ही दाखवले, त्याबद्दल तुम्हाला धन्यवाद असेही शरद पवारांनी यावेळी म्हटले आहे.

पवारांच्या बाबतीत जाणीव पूर्वक अशी घटना घडने अतिशय चुकीचे आहे. पवारांनी एसटी कर्मचाऱ्यांसाठी काम केले आहे. मागच्या सरकारने हे करणार नाही, अशी भूमिका घेतली होती. मात्र मविआ सरकाने त्यांच्या बाजूने भूमिका घेतली. मात्र अशा पद्धतीने एसटी कर्मचाऱ्यांनी वागणे, हे महाराष्ट्राचा संस्कृतीला न शोभणारी घटना आहे. यावर दिलीप वळसे पाटील योग्य कारवाई करतील. हे ठरवून केलेले षंडयंत्र आहे असा आरोप राज्याचे आरोग्य मंत्री राजेश टोपे यांनी केला आहे.

मुख्यमंत्री उद्धव ठाकरे आणि शरद पवार यांच्याशी फोनवरून चर्चा केली आहे. एसटी कर्मचाऱ्यांच्या आंदोलनासंदर्भात दोघांमध्ये फोनवर चर्चा झाली आहे. यावेळी मुख्यमंत्र्यांनी पवारांची विवारपूस करत दूपारच्या आंदोलनाची संपूर्ण माहिती घेतली आहे. याप्रकरणी मुंबई पोलिस आयुक्तांशी सुद्धा मुख्यमंत्री उद्धव ठाकरेंनी चर्चा केली आहे.

The post एसटी कर्मचाऱ्यांच्या हल्ल्यानंतर पवारांची प्रतिक्रिया first appeared on Zunjarneta live.